Хари и Меган повторно во фокусот: Страстите во кралското семејство не се смируваат
Ова лето треба да биде објавена нова верзија на биографијата на принцот Хари и Меган Маркл, со наслов „Наоѓање на слободата“, што укажува на тоа дека страстите во кралското семејство нема да се смират.
Првото издание на Омид Скобија и Каролин Дуранд, објавено на 11 август минатата година, го покажа животот на славната двојка од нивниот познаник во 2016 година до заминувањето од кралското семејство на почетокот на 2020 година.
Новото издание ветува многу пикантност, имајќи предвид дека ќе вклучува и интервју дадено од Опра Винфри, кое покрај кралското семејство, го потресе целиот свет. Ќе има разговори и за тоа дали триесет и деветгодишната Меган навистина ги малтретирала слугите, како и приказни за смртта на принцот Филип.
Новата верзија исто така очекува приказни за нивните милионски договори со Нетфликс и Спотифај, за животот во Калифорнија и одлуката на кралицата да им го одземе кралското покровителство, вклучително и воените улоги на Хари.
Оваа биографија се очекува да биде во продажба на 5 август.
Се очекуваше Хари и неговиот брат да ги подобрат односите по погребот на војводата од Единбург, но новото издание на „Наоѓање на слободата“ очигледно само ќе го продлабочи јазот што е веќе доволно ископан по интервјуто што младиот пар и го даде на Опра Винфри .
- Интервјуто со Опра Винфри предизвика бомба во кралското семејство и повеќето се уште се шокирани. Книгата нема да помогне - истакна еден од постарите дворјани. - Што друго има да се додаде по она кај Опера ? - додаде друг.
Триесет и шестгодишниот Хари за прв пат по една година одлета во Велика Британија поради погребот на неговиот дедо, принцот Филип. Тоа беше исто така прв пат да се сретне со членовите на неговото семејство во живо по фактите што ги презентираше во бомбастичното интервју во кое тој тврди дека татко му и брат му се уште „заробени во системот“.
Војводата го пропушти 95-от роденден на кралицата и се верува дека се сретнал само еднаш со Чарлс и Вилијам, по раздорот предизвикан од неговата одлука да се исели и да даде интервју во разговорното шоу на Опра Винфри, што очигледно длабоко го повредило кралското семејство.
Извор: Новости.рс
Фото: принтскрин
