Имала 317 кг, не можела самостојно да дише, па ослабела дури 136: Ова селфи е нејзина голема победа
Ѕвездата од „1000-Lb Sisters“ на TLC, Тами Слејтон вчера објави селфи на Инстаграм што ја откри нејзината неверојатна трансформација. Таа тежела 317 килограми. Ослабела 136 килограми. А нејзината објава на социјалната мрежа предизвика многу позитивни коментари.
Во последната епизода од споменатата емисија таа отиде во центар за рехабилитација за да ја достигне посакуваната тежина, неопходна за да се подложи на баријатриска операција.
Баријатриска хирургија се препорачува за луѓе кои имаат индекс на БМИ над 35 (жени) или 40 (мажи), што се смета за дебелина од трет степен. Се препорачува и за помалку дебели луѓе, со БМИ од 30 и повеќе, кога дебелината значително придонесува за ризиците од компликации од одредени кардиоваскуларни и ендокринолошки заболувања. Овој тип на операција е потенцијално решение за луѓето кои поради дебелината имаат здравствени проблеми со зглобовите на нозете, воспаление на жолчното кесе, замастен црн дроб, намалена плодност, атеросклероза, проблеми со 'рбетот, нарушување на дишењето при спиење и психолошки проблеми.
По операцијата, може да се изгубат два до седум килограми месечно. Тами била подложена на операција во 2022 година.
По овој хируршки зафат се намалува притисокот на зглобовите и стапалата, се олеснува дишењето и движењето, се стабилизираат метаболичките функции, се намалува ризикот од срцев и мозочен удар и се подобрува состојбата со хроничните болести како дијабетес и хипертензија.
Баријатриска хирургија е поставување на специјална гастрична лента околу желудникот, која го дели овој орган на два дела, па храната стигнува до помалиот дел и чувството на ситост доаѓа побрзо.
Тами Слејтон изјавила дека повеќе не и е потребна кислородна поддршка и дека може да оди без помагало, пишува The Sun.
„Изгледаш неверојатно, јас сум толку горда. Верувам дека не беше лесно. Но ти го направи тоа“, рекла Ванеса Крос, која исто така учествувала во шоуто на TLC, додека други напишале на Инстаграм:„Убава, најдоброто допрва ти доаѓа“, „Ти си го спаси животот, мораше да направиш многу храбри избори, а јас ја направив истата операција“.
ФОТО: Инстаграм принтскрин
