„Имав 2, а сестра ми 3 години, кога мајка ми нѐ фрли во снег за да нѐ скрие од татко ми, кој ќе нѐ удавеше“: Исповед на девојка за хорор детство
Млада девојка од Хрватска на својот профил на „ТикТок“ го опишала своето трауматично детство и ужасот што следел, како што вели, кога нејзиниот татко се обидел да ги удави неа и нејзината сестра кога биле бебиња.
Нејзината шокантна исповед за семејното насилство ја пренесуваме во целост. Покрај тоа што го напиша во првата објава, таа се објасни и во снимено видео, бидејќи многумина кои ја видоа виралната објава се сомневаа во вистинитоста на приказната.
„Јас сум родена во 1999 година. Имам постара сестра која е родена во 1998 година. Нашите родители беа многу мали кога не добија нас две, па веројатно не размислувале за тоа дека не можат да се грижат за две деца, кога не можеле да се грижат еден за друг“.
„Татко ми боледуваше од шизофренија“
Татко ми е болен, боледува од шизофренија. На моменти не знаеше што прави и беше многу насилен, а бидејќи е зависник од дрога и алкохол, тоа дополнително влијаеше на неговата психа.
Едно утро тој целосно „сврте од патот“ и сакаше да нѐ удави нас две. Беше зима и мама бегаше од него во снегот со нас две во раце. Во моментот кога ја фати не знаеше дека двајцата не држи во раце. За да се спаси себеси и нас, не фрли во снегот. Но, таа никогаш не се врати.
По неколку дена, кои јас и сестра ми ги поминавме на снег, не најде полицаец. Имав околу две години, сестра ми три. Можеби звучи чудно, но се сеќавам на тој ден кога не најде полицаецот. Се сеќавам дека нè стави во кола и викна некого да каже дека нашол две бебиња во тешка состојба.
Не однесе во болница затоа што ни беше ладно и имавме тешки смрзнатини.
После тоа, социјалната служба им го одзеде старателството, а ние двете бевме сместени во дом за напуштени деца. Страдав од бронхитис и до петгодишна возраст поголемиот дел од времето го поминував во болница поради проблеми со дишењето. Во домот не беше баш најдобро затоа што имаше многу деца. Тогаш се разделивме јас и сестра ми, не ни знаевме дека сме сестри, но таа секогаш инстинктивно се грижеше за мене и кон мене се однесуваше како мајка. Ми ги миеше забите, ми носеше слатки и ме гушкаше.
Татко ми прашуваше за нас, но само поради детскиот додаток. Еднаш дури и му успеа, па сестра ми ја однесе во својот дом, но после 15 дена ја нашле заклучена без храна и гола во мала соба, а тој не бил во куќата. Најверојатно некаде бил пијан и издрогиран.
„Бевме дадени на посвојување, но потоа започнува нов хорор“
Еден ден дојдоа нови луѓе и рекоа дека не сакаат над две. Веднаш дознавме за што се работи. Посвојување. Тие ќе ни бидат нашите нови родители.
Но, ужасот допрва доаѓа.
До 13 години не тепаа цело време, па и двете избегавме и веќе не бевме во добри односи со нив. Тие беа насилници.
„Имаме трауми за кои е тешко да се зборува затоа што лошо се сеќаваме на нашето детство“, напишала девојката на својот Тикток, а откако многу луѓе изразиле сомневање во неговата веродостојност, девојката снимила видео во кое потврдила дека се што е напишано за жал е и вистина.
Фото: Freepik.com
Извор: Zena.blic.rs
