Имунобомба која заслужува место во вашата зимница: Најубавиот рецепт за киселo цвекло од тегла без конзерванси
Откако ќе го пробате, ќе биде дел од вашата
трпеза секоја зима
Цвеклото е познато по неговите благотворни ефекти врз човечкото тело. Бидејќи има земјен вкус, најчесто се јаде варено, а највкусно е кога е кисело од тегла.
Доколку и вам ви се допаѓа ова јадење и уживате во неговиот уникатен вкус, еве рецепт кој сигурно ќе ви стане омилен.
Се подготвува брзо и лесно, а резултатот е таков што ќе ве воодушеви.
Потребни состојки:
-5 кг цвекло
-0,7 l алкохолен оцет
-2,5 l вода
-3 лажици сол
-6 лажици шеќер
-една лажичка зрно бибер
-една лажичка ким
Начин на подготовка:
Цвеклото измијте го, но не лупете го. Гответе го додека не може лесно да влезе вилушка во него. Потоа исцедете го и оставете го да се излади.
После тоа излупете го тенко, за да не извадите премногу месо, а потоа исечете го на тенки кругчиња.
Измиените и дезинфицирани тегли подгответе ги и во нив ред по ред наредете го сечканото цвекло.
Подгответе го преливот така што ќе истурете вода во тенџере, оставете да зоврие, а потоа додадете ги останатите состојки. Додека е уште топол преливот прелијте го врз цвеклото.
Потоа наполнете ги теглите и оставете да се изладат. Оставете ги во шпајз, подрум или некое друго ладно место, бидејќи во него нема конзерванси. Уживајте во вкусна салата во текот на целата зима.
Фото: freepik/pexels
