ИутеКредит и децата од СОС Детско село направија оригинален календар за 2022 година
Малите деца со големи соништа можат да израснат во големи луѓе со цврсти цели. Инспирирани од важноста на детскиот сон, ИутеКредит Македонија заедно со децата од СОС Детско Село направија уникатен календар за 2022 година на кој се прикажани цртежи насликани лично од нив.
Темата на цртежите беше „Мојот сон во 2022 е...“, а во овој креативен проект учествуваа повеќе од 30 деца без родителска грижа сместени во комплексот на СОС Детско село во Скопје. Резултатот е еден прекрасен календар кој ги отсликува желбите и соништата на овие дечиња, за кои се надеваме дека ќе се остварат што е можно побрзо во 2022 година.
Вработените во ИутеКредит Македонија ги посетија децата во СОС Детско Село во нивните семејни куќи каде владее преубава празнична атмосфера. Календарите со нивните мали уметнички дела веднаш се најдоа на ѕидовите на нивните топли домови.
Целиот овој проект совршено се вклопува и во предновогодишната кампања “Избери го својот сон, а ние го имаме решението“ која ИутеКредит ја лансираше на почетокот од овој месец.
