ЌЕ СЕ СТАВИ ЛИ КРАЈ НА КАМАТИТЕ КОИ ГИ ПРЕСМЕТУВААТ ИЗВРШИТЕЛИТЕ? Важно е законот да важи ретроактивно, велат упатените

На предлог на пратеници од владејачкото мнозинство во Собрание е доставен предлог закон за измени на Законот за извршување. Согласно најавите на владејачката СДСМ, со измените најпосле треба да се стави крај на „осиромашувањето“ на граѓаните поради стари, а понекогаш и многу мали долгови. Со потпис на 12 пратеници во Собранието е доставен Предлог на Законот за изменување и дополнување на Законот за извршување по скратена постапка.

- Постојниот начин на извршување поради неможност за исплатата на каматата на долгот определена во извршната исправа остава простор за нарушување на егзистенцијата на голема група на граѓани кои во постапката на извршување се јавуваат како должници – се појаснува во законското решение доставено во Собранието.