Кога го запознав бев успешен стоматолог, поради него ја напуштив работата и се преселив: Беше прекрасно, а потоа почна пеколот
Михаил Литвак е еден од најпознатите руски психијатри и
психотерапевти, а овој експерт беше многу активен практично до денот на
неговата смрт и со задоволство даваше совети и пишуваше информативни текстови
поткрепени со практични примери за секојдневните проблеми со кои се соочуваме
повеќето од нас.
За време на својот живот, Литвак објавил преку 30 книги, од кои најпозната е секако „Психолошко аикидо“, која е продадена во повеќе од 5 милиони примероци. Целото свое постоење го посвети на помагање на луѓето подобро да се разберат себеси и другите, да ги надминат менталните проблеми и да живеат помирен и поисполнет живот. Во својата кариера посебен акцент ставил на машко-женските односи и самиот признал дека токму тоа е она што најчесто ги мачело луѓето - како да се најде сродна душа. Повеќе за тоа можете да прочитате во овој текст, а овој пат ви пренесуваме интересна приказна со која Литвак го илустрирал своето тврдење дека не треба да барате брачен партнер на Интернет и социјалните мрежи, како и дека е неопходно да се изврши детална психолошка анализа на минатиот живот на партнерот со кој сакаме да имаме сериозна врска.
„Да се најде маж или жена на Интернет е како да се копа злато од морска вода. Во морската вода има злато, но пребарувањето е многу неисплатливо“, вели Литвак.
Овој психијатар потоа даде конкретен пример од својата пракса, споделувајќи писмо што го добил од жена која го прашала за совет, а потоа и неговиот одговор. Обрнете внимание на забелешките што Литвак ги стави во заграда во нејзиното писмо, а кои јасно укажуваат на грешките што ги направила во нејзината проценка.
„Мојот прв сопруг беше исклучително мрзелив човек и зависен од родителите, но беше и раздразлив и конфликтен. Живеевме заедно десет години и добивме две деца. Бидејќи карактерот на мојот сопруг не се промени и стана неподнослив, го оставив. (Требало да се разделите по првата голема борба, во крајна тишина по втората; М.Л.).
Мојот втор партнер беше маж 40 години постар од мене. Тоа беше прекрасно време, живеевме заедно седум години и бевме среќни, а неговата смрт не‘ раздели. Нашата заедница беше креативна, ме научи да изработувам накит, да работам со камен... Поради него се запишав на курс по сликарство. Тој ми помогна во кариерата на секој можен начин. Кога бев назначена на позицијата главен стоматолог во окружната болница, тој многу ми помогна, ме охрабруваше, го сподели своето искуство. Ми даде и финансиска помош, ми помогна да отворам приватна стоматолошка амбуланта. Кога почина, ми беше тешко, но ми помогнаа неговите зборови: „Животот го живеат живите“. Не очајував. Сфатив дека повеќе нема да можам да запознаам таков човек, па престанав да живеам и да се развивам: купив гитара, научив да свирам, продолжив да одам на часови по сликарство...
Една година подоцна, го запознав Богдан преку оглас за брак на Интернет - човек кој сакаше да запознае жена на моја возраст, а во полето на интереси ги наброја сите оние хобија кои исто така ме привлекуваат (музика, сликарство, спорт, патување. ..). Не можев да поверувам (Требало да проверите. На Интернет има дури и професионалци кои за пари склопуваат совршени огласи за запознавање; М.Л.). Разговаравме по телефон, договоривме средба и повеќе не се разделивме. Имаше многу проблеми во нашиот заеднички живот, но и радост, меѓусебно разбирање и љубов. За да започнеме заеднички, семеен живот, морав да го сменам местото на живеење, да се откажам од работата и да станам финансиски зависна од мојот сопруг (Ова не требало да се направи и тоа е најголема грешка; М.Л.). Но, сето тоа можете да го направите заради саканата личност (Но дали тој навистина те сака ако прифаќа такви жртви? Оној кој сака, не бара жртва; М.Л.).
Го заменив мојот бел мантил за работнички комбинезон, а стоматолошката дупчалка за пила и чекан и почнав буквално да го градам нашиот дом (Очигледен пад. Пад на вредноста. Не затоа што почнала да го гради својот дом, туку затоа што од квалификувам стоматолог станала нискоквалификуван мајстор. Подобро би било ако продолжила да работи како стоматолог и со заработените пари да плати некој стручњак да работи на куќата. Кога градев куќа не ја напуштив мојата професија; М.Л. ). Богдан имаше недовршена викендица - немаше прозорци, подови, врати... Купуваше градежни материјали, а јас буквално градев - правев дограма, склопував мебел, полнев гипс картон... За жал, не успеавме да го започнеме животот во оваа куќа, бидејќи кога речиси ја завршивме, судот нареди оваа зграда да ѝ припадне на поранешната сопруга на Богдан. Откако тагувавме, баравме нов дом - ја продадов куќата во областа каде што живеев и купив помала во онаа во која се преселивме. Бидејќи немаше доволно простор за ординација, ја изградивме дополнително. За тоа беа потребни три години, а ние ја користевме истата шема, Богдан даде парите, јас ги завршив работите (Искуството ништо не ја научило; М.Л.). Но, некако се обидов да се занимавам со сопствениот развој во исто време, завршив курс по компјутери и курс за архитектура на пејзажи. Работев една година на Педагошкиот фаултет при Катедрата за применета уметност. Потоа бев поканета во училиштето за ран развој во градинка, каде што работам последните две години.
Се чини дека бевме среќни, имаше работа, имавме стоматолошка ординација во близина, но очигледно нешто недостасуваше, затоа што се појави друга жена, Богдан најде нова љубов (Често повторувана грешка кога доброволно стануваме готвачи, молери, водоинсталатери и сепак сакаме тие да продолжат да не‘ почитуваат; М.Л.). Сите наши заеднички пријатели велат дека сум го разгалила, превземав товар (Не си го разгалила, си се размасила; М.Л.). Имаше многу слободно време и беше навикнат да ме гледа во стари фармерки за извршување на домашна работа. Но, секогаш се трудев да го поддржам во се‘. Го совлада скијањето, возењето велосипед... Многу патувавме, одевме на скијање. Во шесте години што живеевме заедно, речиси никогаш не се каравме, ниту викавме еден на друг. Првиот пат кога живеевме заедно, ми рече: „Ира, ти си толку мирна, што дури ми е и одвратно“ (Црвено знаме; М.Л.).
Дигресија во неговиот минат живот. Неговиот прв брак траел три години и добил ќерка. Потоа се сретнал со друга жена - Уљана и од неа си заминал само оставајќи ја, без ништо да ѝ каже. Со Уљана бил 20 години и имале две деца, постојано се расправале и се тепале. Ја изневерил, а потоа и таа си нашла љубовник. Се разделиле, тој отишол кај љубовницата, но една година подоцна се вратил кај неа и кај децата. Сепак, тие повторно сфатиле дека не можат да бидат заедно - тој се изморил од сè и се обратил до агенција за средба со партнери.
За сето ова дознав дури сега, од неговите стари пријатели (ова можела да го дознае уште на почетокот на врската, да направи истражување за партнерот; М.Л.). Сега разбирам дека за него, менувањето на семејството, изневерувањето на саканата личност е вистинско парче торта. Јас не го замолив да се врати, тој самиот се врати, а јас се смилував и му простив и сега не знам како да живеам со сето ова (Значи, не простила! Ако му беше простила, сега не би била вознемирена; М.Л.). Веројатно никогаш нема да можам да му верувам, страшно се разочарав од него. Секако, би можела да се разведам, но сепак сум финансиски зависна од него (иако, мислам дека би можела да најдам начин да заработам ако намалам трошоци) и физички сум зависна од него. Веројатно е така и со него, бидејќи не си замина и се труди на секој начин да ја поправи врската. Но, нешто пукна во мене, се чувствувам непријатно кога комуницирам со него, не можам да му простам за неговото предавство. Има ли иднина за нашата врска? Како да научам да му верувам?
Би сакала да дојдам на вашиот семинар, но засега тоа не е реално. Немам доволно пари, бидејќи живеам далеку, а Богдан има генерално негативен став кон психолозите. Исто така никогаш не одиме никаде еден без друг, да не преноќевам дома ќе беше еднакво на развод. Мене ми останува само допишување и мало образование. Навистина го ценам вашиот совет и поддршка“, ја заврши својата презентација оваа жена.
Ова беше краток и јасен одговор од Литвак, но поважно е неговото заградено набљудување погоре.
„Да бидам искрен, уморен сум од љубовни жалопојки. Сè детално опишав во моите книги. И како да се вратам во врска, и како да ја спасам и како да се ослободам од неа. Вашето писмо ја потврдува мојата теза дека е невозможно да се бара маж на сајтови за запознавање, само по заеднички активности. Не можам да ви дадам совет, можам да ви помогнам да ја спроведете вашата одлука, доколку е безбедно. Она што можам да ви го кажам е да почнете да се грижите за себе. И ти треба да живееш само за себе“, јасен беше Литвак.
Фото: Профимедиа
Извор: Женаблиц
Образована жена не смее да се омажи за мајстор: Психолог шокира со ова објаснение
