Лила Филиповска го победи ракот: За првпат се појави во јавност без перика (ФОТО)
Се избори сама како лавица...
Познатата водителка Лила Филиповска повеќе од една година ја водеше својата најголема животна битка - ракот на дојка. Сега, како што откри за магазинот „Убавина и здравје“, канцерот се повлекол и конечно може да каже дека е здрава.
Оваа битка ја водеше со своите најблиски, а на јавноста со ништо не ѝ даде причина да се сомнева дека нешто не е во ред со нејзиното здравје. И понатаму ги работеше своите емисии, активна беше и на социјалните мрежи. Единственото нешто за кое можеме да кажеме да ја издаде е тоа што постојано носеше перика, но сега и тоа е веќе минато.
По околу една година, Лила конечно ја тргна периката и покажа како сега ѝ изгледа фризурата. Освен за потребите на фотосесијата на магазинот „Убавина и здравје“, Лила без перика се појави и на „Саемот на венчавки“, каде буквално издоминира.
„Што и да се случува јас секогаш сјајам“ - напиша таа покрај видеото на кое позира како вистинска дива, а ние може да се сложиме со неа и да кажеме дека сега можеби блеска повеќе од било кога.
фото: Принтскрин / Инстаграм
