Мајка (48) заболела од меланом: Сега, има важно предупредување за сите кои си „играат со оган“
Мајка која боледува од меланом од четврти степен има важно предупредување за сите оние кои како неа „играат со оган“ низ солариумите.
Во јуни 2014 година, на Кармен Оукс ѝ било кажано дека црвената бенка на грбот е канцерогена, но успешната операција значеше дека сето тоа е расчистено.
Сепак, и покрај стравот, 48-годишната жена не можела да се откаже од 30-годишната навика за потемнување и „игра со оган“ со тоа што речиси секоја недела го одржува сончањето за да го задржи златниот сјај, пишува DailyMail.
Во јануари беше пронајдена маса од десет сантиметри во десното белодробно крило и ѝ бил дијагностициран метастатски меланом во четврта фаза.
Мајката на две деца сега жали што не го послушала нејзиното прво предупредување и ги обвинува солариумите за нејзината катастрофална дијагноза, предупредувајќи ги другите да „избегнат уништување на кожата“ со нивните моќни УВ зраци.
„Си играв со оган“
Кармен, од Портсмут, Хемпшир, вели: „Си играв со оган, но како глупава си помислив „ох добро, штотуку го отсекоа“, нема понатамошна опасност“.
Таа истакна дека имала втора шанса за живот, но сепак се вратила во солариум.
„Ве молам, немојте да мислите дека вашиот тен е поважен од вашиот живот. Солариите ја оштетуваат вашата кожа. Тие те стареат и те убиваат“, истакна Оукс.
„Има толку многу луѓе кои ги користат овие солариуми на толку млада возраст и не сфаќаат дека редовната посета на солариум предизвикува рак“, нагласи таа.
Таа одела во солариум од 15 години
Кармен почнала да оди во солариум на 15-годишна возраст, кога таа и нејзината сестра имале едночасовни сесии за шест недели.
Таа изјавила дека оттогаш солариумите станале поинтензивни, па изминативе 20 години ги посетувала еднаш неделно за да ужива во десет минути сончање.
Нејзината 26-годишна ќерка Клои Џонс забележала бенка на грбот на нејзината мајка во јуни 2014 година и ја повикала да ја провери. Дамката била отстранета еден месец подоцна, но тестовите потврдиле дека е канцерогена, па бил направен втор рез за да се провери дали се проширил.
Понатамошните тестови потврдија дека се е во ред, но вознемирувачкото искуство не ја спречило да се врати на користење солариум.
