Мајка родила ретки идентични четворки: „Изгубив четири деца, а сега имам шест!“

Кариса Ванкамп-Смит (34), која изгубила четири деца, сега е мајка на ретки идентични четворки кои ги зачнала по природен пат

Кариса и нејзиниот сопруг Дилон (32) во декември 2021 година дознале дека ќе имаат принова во семејството. Но се шокирале кога на ултразвукот било откриено дека таа носи четворка и тоа по спонтан абортус, родено мртвороденче и две смртни случаи на новороденчиња.

Дури кога Кариса се породила во 29-та недела, дознале дека четворките се идентични.

Бебињата Закарија Девер, Линколн Џеси, Иан Шејн и Даниел Роберт се родени со царски рез на 17 јуни 2022 година.

„Имав прекрасна бременост, но откако развив прееклампсија, лекарите решија да ги породат рано“, рече Кариса, педијатриска медицинска сестра од Фелпс, Њујорк, додавајќи:

„По претходните спонтани абортуси, знаев дека нема да можам да издржам ако изгубам уште едно дете. Откривањето дека имаме четворка беше голем шок, но речиси изгледаше како судбина“.

Кариса и Дилон се двоумеле дали да се обидат за друго дете по спонтан абортус, родено мртвороденче и две смртни случаи на доенчиња. Мајката на шест деца првите близнаци Лукас и Рајан ги изгубила во јули 2014 година, откако се родиле предвреме во 20-та недела.

„Лукас беше мртвороден, а Рајан живееше седум минути - тоа навистина беше многу тешко за нас. Имавме приватен погреб и поставивме спомен дрво за нив во нашата градина. Дилон и јас отсекогаш сакавме деца, но си дадовме време да тагуваме претходно пред да се обидеме повторно“, рече Кариса.

Со скршено срце, но очајни за бебе, парот се обидел повторно четири месеци подоцна - и Кариса веднаш забременила. Таа го родила Тајлер во болницата Мерси во Бафало на 30 мај 2015 година. 

„Кога дојде Тајлер, здрав и среќен, бевме пресреќни“, изјави таа за својот син, кој сега има 8 години“. 

Во јуни 2017 година, Кариса повторно забременила со близнаци, но по 23 недели и три дена, на 7 ноември 2017 година отишла на предвремено породување, што довело до раѓање на Елајџа и Колтон со царски рез. Елајџа починал 12 дена подоцна од некротизирачка пневмонија - ретка, но сериозна болест на белите дробови.

„Немав никакви знаци дека ќе одам на породување, но знаев дека нешто не е во ред“, рече Кариса.

„Колтон беше длабоко до колковите во мојот породилен канал и морав веднаш да ги породам. Три дена по нивното раѓање, дознавме дека Колтон имал крвавење на мозокот во четврта фаза и имал 10% шанси за преживување, но решивме да се бориме за него и тогаш ми се скрши срцето“, рече таа. 

Колтон, кој сега има 6 години, поминал 132 дена во болница и му била дијагностицирана церебрална парализа во ноември 2019 година.

„Првата година од животот на Колтон, буквално живеевме во болница бидејќи неговиот имунолошки систем не постоеше. Ни требаше време да се прилагодиме на животот со дете со посебни потреби, но тој е нашиот мал борец – ние се гордееме со него, тогаш дознав дека имам некомпетентно грло на матката, па затоа имав операција за да избегнам уште едно предвремено породување“, се сеќава таа. 

Две години по раѓањето на Колтон, во август 2019 година, Кариса повторно забременила со Вила Грејс, но ја изгубила во 14-та недела откако нејзиното срце престанало да чука. Тоа целосно ја скршило.

„Дотогаш изгубив четири бебиња и не можев повторно да ја поминувам оваа болка“, рече таа.

Во октомври 2021 година, Кариса се почувствувала подготвена да се обиде повторно, а на ултразвук открила дека носи четворка.

„Веднаш видовме две бебиња се појавија на екранот, потоа се појави трето бебе, па четврто. Останавме без зборови“, вели таа. 

Кариса успеала да ги износи четворките до 29 недела и три дена, додека прееклампсијата не ги принудила лекарите да ја породат на 17 јуни 2022 година во болницата Стронг Меморијал.

„Со оглед на мојата историја, се уверив дека секоја болка што ја имав да ја провери лекар. Бев дехидрирана и мојот крвен притисок вртоглаво растеше, па останав во болница 10 дена пред да излезат бебињата. Бев преплашена, но „Се обидов да останам смирена поради моите бебиња. Немавме поим дека се идентични додека докторот не ја забележа нивната сличност и една плацента. Тие беа здрави, но останаа во болница бидејќи се родени прерано", објасни таа. 

Седум недели подоцна, Кариса и Дилон ја однеле својата четворка дома, а пред неколку дена го прославаија нивниот втор роденден.

„Многу работи мораа да се променат, морав да се откажам од работата со полно работно време, а ноќите беа непроспиени. Нашиот дом е многу бучен затоа што секое од моите дечиња има свој посебен карактер, а јас сум постојано кај машината за перење алишта. Сега тие имаат речиси две години и пораснаа во индивидуални личности, а Тајлер и Колтон се опседнати со нив.  

Фото: Фејсбук - The Smith Quad Squad

Извор: sr.rs