Македонски Телеком: Корисниците ќе ги добиваат сметките електронски

Во услови на вонредна состојба, Владата донесе уредбасо законска сила за примена на електронски фактури. Со уредбата, која е донесена како мерка за превенција, ќе се избегне изготвувањето и доставата на фактури во хартиена форма и ќе се поттикне електронското плаќање од дома без непосреден контакт.

Согласно оваа уредба, Македонски Телеком ги известува корисниците на мобилни услуги и
Magenta 1 пакети, кои немаат активирано е-сметка, дека ќе добијат известување и насоки за преземање на сметката за месец март преку SMS порака.
Оние корисници пак кои имаат активирано e-сметки, ќе продолжат да ги добиваат на истиот начин и во истиот формат и во иднина.

На деловните корисници на мобилни услуги и Magenta 1 Business пакети, е-сметката ќе им бидe доставенa само преку електронска пошта.

Kорисниците на фиксни услуги и сите останати корисници на Македонски Телеком кои сѐ уште немаат активирано е-сметка, може да го направат тоа брзо и едноставно на следниот линк или преку Telekom MK App.

Дигиталното плаќање е од заеднички интерес на сите граѓани, од една страна за заштита на животната средина, од друга како превенција на непосреден контакт и зачувување на здравјето на сите во овие вонредни услови.

Електронските сметки можат брзо и едноставно да се платат од дома: онлајн на telekom.mkили преку Telekom MK App со платежна картичка.

Со приемот на електронските фактури, корисниците ги задржуваат истите права и обрски, но и покрај ова, доколку корисниците сакаат да продолжат да примаат сметка во хартиена форма, во рок од 10 дена по примањето на ова известување, треба да нè контактираат на  148 888.

Oстанете дома и плаќајте ги сметките дигитално.