Ме малтретираа како дете: Пријовиќ проговори за тешкото минато
Српската пејачка Александра Пријовиќ, сега Живојиновиќ, во емисијата „Викенд“ раскажа за своето тешко детство во Хрватска, во местото Бели Манастир. Во емисијата со неа, била и нејзината мајка Борка Михајловиќ. Пријовиќ била навредувана и малтретирана од своите врсници, пишува сајтот „Глоси еспресо“.
Пријовиќ на венчавката со мајката на нејзиниот сопруг Филип, Зорица, нејзината мајка Борка и со Лепа Брена
„Имаше доста солзи. Доста одрекувања. Сега, сите оние кои ја малтретираа и зборуваа грдо за неа би сакале да се напијат пијачка со неа, да се сликаат со неа. Морав да одам од куќа до куќа поради тие навреди и кавги, да борам против нив. Децата ја малтретираа затоа што таа го работеше она што го сака“, рече мајката на Пријовиќ. На овие нејзини зборови пејачката се расплака.
Пријовиќ со мајка ѝ Борка
Таа нагласи дека не сака да е навраќа на неубавите работи од нејзиното детство. „Сега кога тоа е зад мене, обожавам да одам во својот Бели Манастир, и сите ми велат: „секоја чест“, изјави снаата на Лепа Брена и на Боба Живојиновиќ.
Минатата година во јуни Пријовиќ се омажи за Филип Живојиновиќ, а на 6 март се роди нивниот син Александар. Во Тв емисијата, таа најаваи големо враќање на музичката сцена.
