Орден на честа за наука и уметност за ректорот Јанкуловски од Австрија
Амбасадата на Република Австрија во нашата земја на свеченоста организирана по повод Националниот празник кој се одржа на 24 октомври оваа година во Македонската опера и балет, на проф. д-р Никола Јанкуловски, ректор на Универзитетот „Св. Кирил и Методиј“ му додели медал, односно највисокото признание – крст на честа за наука и уметност, прва класа.
Овој медал, австриската влада му го додели на проф. Јанкуловски поради неговите заслуги и големиот придонес за востановување на нова и унапредување на постојната образовна и научноистражувачка работа помеѓу УКИМ и австриските високообразовни и научноистражувачки институции.
Заложбите на проф. Јанкуловски за развивање и унапредување на оваа соработка започнале за време на неговите два мандата како декан на Медицинскиот факултет при УКИМ и се интензивирале за време на неговиот мандат како актуелен ректор на УКИМ.
