Мистерија на преубавата исчезната принцеза: За неа никој не смее да праша што ѝ се случило...
ФОТО: Јутјуб принтскрин
Која е и каде е „принцезата дух“?
Во 2002 година, Лала Салма се омажила за мароканскиот крал Мохамед Шести и била првата сопруга на марокански владетел кој бил јавно признат, односно добила титула.
Во 2018 година, списанието Hola објави дека принцезата Лала се развела од мароканскиот крал, но кралската палата никогаш не го потврдила или негирала тоа. Всушност, сите траги на Лала Салма и се изгубени од 2017 година, но имајќи предвид дека секоја дискусија за кралското семејство е табу во мароканскиот печат, ниту еден медиум не се осмели да го доведе во прашање исчезнувањето на принцезата или да праша каде би можела да биде. Се шират гласини дека по разводот била протерана од Мароко и живеела во егзил во САД и Грција.
Ниту една од тие информации никогаш не е потврдена.
Имаше и гласини за нејзината смрт, но тие се покажаа како лажни бидејќи сè уште беше видена како го посетува Центарот за рак Бени Мелал во 2019 година и на вечера со нејзината ќерка, принцезата Лала Катија.
И светските медиуми се запрашаа што се случило со принцезата, па минатата година во арапските вести на Асахиф се појави веста дека Лала Салма го прославила својот роденден на кралскиот имот во Рабат, каде што вели дека живее.
Адвокатот на кралот Мохамед и принцезата Лала Салма формално негираше какви било спорови за старателството и извештаи за нејзиното бегство од земјата, обидувајќи се да ги спречи гласините. Тој рече дека озборувањата се неподносливи и дека тоа се скандалозни и крајно сериозни тврдења.
Исчезнувањето на Лала Салма од јавниот живот беше толку очигледно поради нејзините ангажмани во странство. Таа редовно го претставуваше својот сопруг на меѓународни настани и често беше домаќин на првите дами и сопруги на кралевите на државните посети на Мароко.
Се зборува дека била особено блиска со шпанската кралица Летиција.
Принцезата исто така ја основаше и Фондацијата Лала Салма - за превенција и третман на рак, а од 2017 година не направила ништо јавно во рамките на фондацијата. Таа беше и амбасадор на добра волја на Светската здравствена организација и се бореше за правата на жените и правото на образование.
Доколку кралот и принцезата се развеле, причината за нејзиното отсуство од службените должности е очигледна, но она што не се разбира е зошто мароканската кралска палата не сака ни да чуе за неа, па дури и официјално не го потврдиле разводот.
Очигледно се очекуваше од поранешната сопруга на монархот да остане подалеку од очите на јавноста и да молчи за разводот. Двајцата имаат две деца - престолонаследникот Мулај Хасан (19) и принцезата Лала Кадија (16).
Дали Лала Салма некогаш ќе се врати во јавниот живот? За жал, тоа е прашање на кое можеби никогаш нема да добиеме одговор.
