Мистеријата на бразилското гратче со најмногу близнаци на светот од кои сите имаат руса коса и очи крие бизарна вистина: Кружат две страшни теории

Со години во бразилскиот град Кандидо Годои се раѓале невообичаено голем број близнаци, со акцент на локалното село Сао Педро. Овој феномен ги заинтригира не само локалното население, туку и цел Бразил, па кружеа различни теории - од фактот дека таму има мистериозна состојка во водата или дека сето тоа е резултат на експеримент на нацистичкиот лекар Јозеф Менгеле познат и како „ангел на смртта“.

Во просек, близнаци се раѓаат еднаш на секои 250 раѓања, но кај Кандидо Годо, една од 10 жени раѓа близнаци! На самиот влез во овој мал град на југот на Бразил, каде живеат околу 6.500 жители, има знак за добредојде што се претставува како „област на близнаците“.

Помеѓу 1959 и 2014 година, дури 35 отсто од вкупниот број раѓања вклучувале раѓање на близнаци, што е најголем удел на близнаци во целиот свет. Уште една работа што е невообичаена е тоа што повеќето од нив се родени со руса коса и сини очи, сосема неочекувано и нетипично за подрачјето на Бразил.

За оваа појава се свесни и жителите на градот, кои во неговото име секоја година одржуваат фестивал на кој се собираат близнаци од целиот регион. Но, никој нема прецизно објаснување што ги издвојува од остатокот од земјата.

Селото на близнаци во Бразил е дело на експериментот на Менгеле?

Постојат две најверојатни теории. Првата се заснова на истрагата на аргентинскиот новинар и историчар Хорхе Камарас, кој ги објавил своите сознанија и наоди во книгата „Менгеле“. Оваа книга се занимава со експериментите на нацистичкиот лекар кои биле извршени во 60-тите години на минатиот век во Бразил, откако Јозеф Менгеле побегнал во Латинска Америка по завршувањето на Втората светска војна.

Една од целите на Јозеф Менгеле била да ја докаже наводната супериорност на ариевската раса и не се оддалечил од најсуровите идеи и потези во име на овој експеримент. Бил опседнат и со идентични близнаци и верувал дека треба да ја открие тајната на близначките бремености за да влијае на растот на ариевската раса.

Камарас истакнува дека затоа Кандидо Годо го претворил во човечка лабораторија - по неговото доаѓање значително се зголемил бројот на близначки бремености. Има дури и сведоци кои се сеќаваат на овој период; тврдат дека лекарот дел од трудниците ги лекувал со чудни напивки и инекции.

Втората хипотеза ја негира првата - исцрпното генетско истражување на населението покажало дека експериментите на нацистичкиот лекар немаат никаква врска со големиот број близнаци. Имено, утврдено е дека поголемиот дел од луѓето во градот потекнуваат од мала група на предци, имено имигранти од германското говорно подрачје, што дополнително имплицира дека речиси сите се на некој начин поврзани и дека споделуваат многу генетски карактеристики.

Експертите го нарекуваат овој генетски ефект „ефект на основачот“ и се однесува на создавање на нова популација од страна на мал број поединци, што не е вообичаено кај човечката раса.

Генот што го делат многу жители на Кандидо Годо е TP53, а 43 жени кои овде родиле близнаци го имаат токму тој ген. Спомнатиот ген експертите го поврзуваат со плодноста и поголема веројатност да има близнаци.

Исто така, истражувачите откриле дека високата стапка на близначки бремености му претходела на доаѓањето на Менгеле, всушност тие дури веруваат дека тоа е можеби причината поради која тој се населил во споменатиот град.

Извор: жена.блиц.рс

ФОТО: Принтскрин јутјуб