НАЈЗАБЕЛЕЖИТЕЛНО ЗГОЛЕМУВАЊЕ НА ЗАБОЛЕНИ ОД КОВИД КАЈ МЛАДИ ОД 20-29 ГОДИНИ: Во последната недела од октомври има и 38 реинфекции

Според најновиот извештај на Институтот за јавно здравје, во последната недела од октомври, од 25 до 31, регистрирани се заболени лица во сите возрасни групи. Најзастапена е возрасната група на лица на возраст над 60 (n=714, 25,5%). Најмал број е регистриран кај возрасната група од 0-9 (n=94; 3,4%). Се забележува зголемување на бројот на заболени скоро кај сите возрасни групи, со најзабележително зголемување кај возрасната група од 20-29 години, 11,4% повеќе во однос на претходната недела. Намалување се забележува кај возрасните групи од 0-9 години (-17,5%) и над 60 години (-1,2%).