Млада жена е прозвана дека направила маж да се чувствува „глупаво и непријатно“ откако ја извадила протетската нога за да докаже дека има целосно право да паркира на простор за инвалиди.

21-годишна девојка ја раскажала својата непријатна ситуација доживеана на паркинг, поради која имало многу убедувања - и од нејзините најблиски со кои во тој момент била во автомобилот, и од млад човек со кој дошла во конфликт поради паркинг простор кој бил наменет за инвалиди. Таа ја сподели својата приказна со корисниците на Редит и доби голем број коментари. Нејзината ситуација ви ја пренесуваме во целост.

„Пред три години доживеав многу тешка сообраќајна несреќа. Пијан возач помина на црвено светло, удри во комбе, кое потоа удри во мене, удри во два автомобили и на крајот во насип. Мојот автомобил беше непрепознатлив, а мојата нога мораше да се ампутира. Исто така изгубив и неколку прсти на другата нога. Имам лузни кои порано ме мачеа, но учам да се справувам со нив. 

Таа неодамна го возела своето момче, нејзината сестра, момчето на сестра и нејзината мајка до продавницата пред која се случил инцидентот.

„Морав да научам како да возам со левата нога, но сега сум навистина добра во тоа. Поради повреди (имам хронични болки во колковите, вратот и грбот и некои проблеми со белите дробови поради времето поминато во медицински индуцирана кома, што доведе до воспаление на белите дробови). Имам налепница за лицата со попреченост на автомобилот. Имам проблеми да одам а без да се уморам, па навистина ми помага да се паркирам близу вратата“, објасни таа.

Таа потоа застанала на местото каде што ѝ било дозволено да паркира. Меѓутоа, таа не сфатила дека му го земала паркингот на некој што имал намера да паркира на него.

„Очигледно човекот бараше место за паркирање и го пропушти она што јас го земав“.

Потоа доаѓа драмата.

„Ми рече дека сум им го земала просторот на луѓето на кои навистина им е потребен и дека сум само дете кое нема почит кон оние кои се навистина болни и страдаат. Потоа ми нареди да се преместам. Моето семејство ме убедуваше да заминам, но тоа се случуваше и порано, а еднаш повикаа и полиција. Ми се гади од такви луѓе“, ја продолжи приказната .

Меѓутоа, таа не му рекла ништо на мажот освен „Во ред“ и мирно влегла во нејзиниот автомобил.

„Носев здолниште и хеланки, така што на почетокот не беше сосема очигледно, но кога седнав, ја извадив протезата од  ногата и му ја покажав на човекот. Потоа го прашав дали е во ред ако сè уште стојам паркирана таму. Тој замина велејќи ми дека сум непристојна и груба и дека сум можела да му кажам затоа што сега направив тој да се чувствува глупаво“, ја заврши таа приказната.

Нејзиното семејство тогаш ѝ рекло дека им е непријатно бидејќи има гужва, па таа ги прашала луѓето на социјалната мрежа Редит дали е непристојна во начинот на кој се справува со ситуацијата.

Таа собра огромен број коментари на поддршка, а повеќето се согласија дека самиот маж придонел да изгледа „глупаво“ и дека е апсолутно неприфатливо жената со ампутирана нога да се нарекува „непристојна“.

Извор: zena.blic.rs

фото:profimedia