ОРС - прв избор при дехидратација кај деца при дијареа и повраќање
Нашето тело има потреба од одредена количина на
течност. Секој ден треба да се консумира најмалку 1 литар вода. Потребата на
телото од течности се зголемува со зголемување на активноста. Поактивни луѓе
треба да внесуваат 2-3 литри течност секој ден.
Дехидратацијата е поим кој означува загуба на течности на телото заради различни болести при што телото губи прекумерна количина на вода. Дехидратацијата може да се сретне на било која возраст, но е многу опасно кога се случува во кај деца особено во доенечка возраст, и кај стари лица.
Симптоми на дехидратација вклучуваат треска, вртоглавица, шок, појава на дијареа, гадење и повраќање, грчеви во мускулите, кожата е жолтеникава. Доколку оваа состојба не се третира може да дојде до летален исход.
Дехидратација кај децата може да се случи поради следниве причини:
· недостаток на вода во организмот
· Акутна дијареа предизвикана од бактерии или вируси при што почести се вирусните инфекции
· Вирусниот гастроентеритис се карактеризира со пролив и повраќање - најчесто е предизвикан од ентеровируси и аденовируси
· Кај бебиња и деца имунолошкиот систем не е доволно зрел да се бори со бактерии и инфекции, со што се зголемува ризикот од дијареа и повраќање;
· лоша здравствена состојба, што резултира со губење на апетитот на детето.
· Кај малите деца и доенчиња чест причинител е и ротавирус- чест причинител на хоспитализација на доенчињата поради бурните симптоми и големиот ризик од дехидрација
· Бактериските инфекции се почести во летните месеци и при патувањата. Најчести причинители се: Salmonella, Campylobacter jejuni, Shigella i Escherichia coli.
Дијагноза на дехидрација ја поставува лекар. Но, родителите може да ја забележат оваа појава според постоење на следните знаци: појава на чувство и изглед на сува и леплива уста, пропаднати очи, детето нема солзи додека плаче, намалено мокрење, урината е темна, во тек на 6 часа нема ниту една помочана пелена или пак во рок од 24 часа има помалку од 6 помочани пелени.
Што да правите кога детето е дехидрирано?
Со орална рехидрација треба да се започне што побрзо - ORS треба да се даде веднаш штом започнат симптоми на акутна дијареа со цел да се спречат компликациите.
Целта е да се спроведе брза перорална рехидрација во период од 3-4 часа, и што побрзо да се воспостави нормална исхрана.
Ако бебето продолжи да губи течности, може да дојде до сериозна дехидратација и тогаш е потребна хоспитализација и давање течности преку интравенозна инфузија.
Доењето треба да се продолжи паралелно со додавање на ORS.
Како заклучок може да се каже дека при дехидратација особено кај мали деца е добро да се делува пред да настапи дехидратација со превземање на мерки и давање на доволно течности и орални рехидратациски раствори.
Др. Султана Асани – педијатар
Пр објава
