„Пат на смртта“: Вака се вика делницата во Грција каде кола се судри со српски автобус полн туристи-има и жртви
Сообраќајната несреќа кај Солун, во која загинаа четири лица, а дури 53 се повредени, е резултат на невнимание на надлежните органи, кои треба да сносат одговорност, пишуваат грчките медиуми. Како што велат, оваа делница се нарекува „патот на смртта“, кој не е надграден од 1970 година!
На овој дел од автопатот (Е 75) што ја поврзува Грција со срцето на Европа, невини луѓе постојано ги губат животите поради неговата лоша состојба, а никој не реагира, пишуваат грчките медиуми.
Да потсетиме, тешка сообраќајна несреќа се случи утринава околу 7 часот на патот Атина-Солун, кога автомобил налета на автобус со нишка регистрација, во кој имало 78 патници. Повредени се сите патници во автомобилот, мажот (60) веднаш бил пренесен во болница, но и покрај борбата на лекарите им подлегнал на повредите.
Τροχαίο στην Αθηνών – Ευζώνων: Τέσσερις νεκροί από τη σύγκρουση λεωφορείου με δύο αυτοκίνητα - Εικόνες σοκ https://t.co/NbyFxaGJ5F
— babyfaceguy (@babyfacegay) September 10, 2023
Откако автобусот се судрил со возилото, друг автомобил удрил во возилото. Но, сопатничката од Србија и детето во тој автомобил не се повредени. Автобусот и еден автомобил паднале во канал.
Според последните информации повредени се 53 лица, а меѓу повредените има и две деца на возраст од 6 и 9 години.
Грчките медиуми наведуваат дека надлежните се одговорни за лошата состојба на оваа делница од патот.
Општинската власт на Пеонија, низ која минува „патот на смртта“, повеќепати предупредуваше за овој пат поради неизбежни сообраќајни несреќи со смртни последици. Во едно од нејзините писма до општинските власти наведуваат дека од отворањето на патот во 1970 година, односно повеќе од педесет години, овој пат не претрпел никакви надградби.Првите 15 километри се најопасни
- Иако овој патен правец е централна копнена порта на државата низ која поминуваат околу 8.000.000 автомобили годишно, тој не е целосно развиен како оска со спецификации за автопат, бидејќи има само една сообраќајна лента. Првите 15 километри се најопасни, бидејќи во последните седумнаесет години се забележани 107 сообраќајни несреќи, што одговара на приближно 78% од сите сообраќајни несреќи на овој патен правец. На овој петнаесеткилометарски пат животот го загубија 45 лица, а повеќе од 150 се тешко повредени, најмногу во верижни судири - пишува грчкиот медиум „Катимерини“.
На ваков опасен пат, оние кои влегуваат во Грција од Евзони, плаќаат патарина од 2017 година.
Како што пишуваат грчките медиуми, „невини души испраќаме во смрт, како овие денес“.
Настрадале тројца Грци и еден Русин
Како што е соопштено, постои сомневање дека до несреќата дошло бидејќи возачот на автомобилот кој удрил во автобусот заспал. Во возилото имало четворица мажи - тројца Грци и еден Русин, кои тргнале на риболов кога трагично загинале.
- Полесно повредените се препратени во болницата Поликастро, а потешко повредените во болницата во Солун.
фото: Принтскрин Твитер
