Полусестрата на Меган Маркл: Се жалиш, а не праша како е тато по два срцеви удари

Саманта Маркл, полусестра на Меган Маркл, уште еднаш ја искористи можноста јавно да се осврне на критиките. Врз основа на документарец во кој Меган се жали на третманот во јавноста и медиумите, нејзината полусестра остана згрозена

Лошата врска на некогаш двете блиски полусестри, Саманта и Меган Маркл повторно доаѓа до израз. Полусестрата на британската војвотка, со која го дели истиот татко, Томас Маркл, ја користи секоја можност да ја критикува Меган преку медиумите.

Па така, веднаш по гледањето на документарниот филм „Хари и Меган: Африканско патување“ (Хари и Меган: Африканската турнеја) Саманта јавно ја повика својата полусестра, иако тие не комуницираат лично повеќе од една деценија.

‘Додека Меган зборуваше дека никој не ја прашува како ѝ е, си помислив колку е контрадикторна. Дали го праша нашиот татко како му беше откако претрпе два срцеви удари? ' рече 54-годишната Саманта за Inside Edition.

Таа додаде дека е несоодветно да се жали од позицијата која ја има.