Порцеланска убавина: Серијал фотографии на луѓе со албинизам промовира љубов кон сопственото тело
Taлентирана фотографка направи позитивна акција со која промовира љубов кон сопственото тело. Јулија Таитс, графичка дизајнерка и фотографка од Израел, секојдневно ги воодушевува следбениците на Инстаграм со својот талент, но еден серијал посебно ја инспирирал и привлекол внимание кај луѓето.
„Порцеланска убавина“ , серијал кој го објави во два дела, промовира љубов кон сопственото тело, а моделите се луѓе со албинизам кои Јулија ги смета за исклучително посебни.
За да биде нивната единственост уште поизразена, Јулија ги облекува во бела облека, користи само бели реквизити и позадина. Нејзината главна цел е да поттикне самодоверба на фотографиите со луѓе кои имаат специфичен изглед предизвикан од ваква состојба или, на пример, витилиго.
Фото: Инстаграм/Официјален профил-Јулија Таитс
