ПОВЕЌЕ ПАРИ ЗА ДОКТОРИТЕ - се зголемува капитацискиот бод за општа медицина и гинекологија за 33 отсто, за стоматологијата за 23 проценти

Добивај вести на Viber

Донесена е одлука за историско зголемување на капитацискиот бод за матичните доктори од општа медицина, гинекологија и стоматологија, почнувајќи од април годинава, соопшти премиерот Христијан Мицкоски на денешната пресконференција. 

- Вредноста на капитацискиот бод за општа медицина и гинекологија ќе се зголеми од 75 на 100 денари или за 33 отсто, додека за стоматологија од 61 на 75 денари или за 23 проценти - укажа Мицкоски. 

Како што истакна премиерот на прес-конференција во Владата, зголемувањето на капитацијата ќе значи повисоки плати и помотивирани лекари.

- Ова зголемување доаѓа по повеќегодишна стагнација во периодот од 2019 до 2022 година кога бодот иснесувал 63 и 48 денари.