Ритуали кои ќе ви го разубават денот: Поради овие утрински навики ќе се чувствувате подобро
Ова е време на брзо живеење, кога многу од нас работат над 40 часа неделно. За успешно да се справиме со овој начин на живот, мора добро да ги распределиме и времето и енергијата.
Здравите утрински навики навистина можат позитивно да влијаат на целиот ден. Не се сите свесни за тоа, но - она што го правиме и начинот на кој размислуваме наутро, може да влијае на расположението, мотивацијата, енергијата и се останато во текот на денот.
Легнете рано и станете рано
Доколку навистина сакате да си го подобрите денот и да воведете неколку здрави утрински навики, ќе ви треба дополнително време, а ќе го добиете со тоа што ќе станете порано.
Ако припаѓате на луѓето кои го сакаат мирот и тишината што ги обезбедува доцната ноќ, тогаш ќе ги сакате мирот и тишината што можат да ви ги понудат раните утра. Станувањето пред другите не само што ќе ви донесе одредено задоволство, туку и дополнително време што можете да го пополните со утрински ритуали пред да одите на работа.
Истегнување
Многу луѓе се чувствуваат вкочанети по будењето и станувањето од кревет, што лесно може да се реши со неколку вежби за истегнување, веднаш по станувањето. Може да биде многу добро за вашето здравје, но само ако редовно практикувате истегнување.
YouTube може да биде корисен ако не сте сигурни како правилно да се истегнете, па побарајте видео. Изберете ги вежбите кои мислите дека најмногу одговараат на вашите потреби и правете ги секое утро - наскоро ќе почувствувате значителна промена.
Слушајте музика
Слушањето на вашите омилени песни наутро е одличен начин да го подобрите вашето расположение и да се подготвите за возбудата што ја носи новиот ден. Ќе размислувате позитивно во текот на денот и ќе имате ревност да ја завршите домашната задача.
Во зависност од тоа што ве чека во одреден ден, можете да го приспособите музичкиот жанр. Доколку планирате релаксација тој ден, тогаш полесна и потивка музика ќе биде вистинскиот избор за вас.
Испијте чаша топла вода со лимон
Секое утро по будењето, телото чувствува потреба од течност бидејќи не сте испиле најмалку осум часа, колку што во просек спиеме. Затоа е важно да се напиете нешто веднаш по станувањето. Доколку ја избегнувате оваа навика и го започнувате утрото со појадок, треба да знаете дека тоа не е добро – на телото прво му треба вода.
Пиењето една чаша топла вода со свежо исцеден лимон е совршен почеток на денот. Ќе му помогне на дигестивниот систем да се подготви за оброците кои следат во текот на денот, а лимонот ќе ја направи водата повкусна. Можете да додадете една лажица мед за да ја засладите водата или да го избегнете киселиот вкус на лимонот ако не ви се допаѓа.
Смејте се пред огледалото
Неверојатно е како мала работа како насмевка на себе во огледало може да ви го промени денот, бидејќи сигналите се движат кон мозокот за да го стимулираат лачењето на хормоните кои прават да се чувствуваме посреќни. Ќе ја подигнете самодовербата и ќе бидете порешителни во остварувањето на целите.
Тоа е многу едноставен начин на кој ќе се поттикнете да ги реализирате вашите планови. Кога ќе ја стекнете навиката, ќе се изненадите како оваа едноставна вежба позитивно влијае на начинот на размислување. Ќе станете попозитивна и посреќна личност.
