Родив близнаци, а кога ги видов прв пат ги триев очите од неверување: Никој не верува дека јас сум им мајка
Стејси Омирин од Нигерија во февруари 2019 година роди близнаци - две прекрасни момчиња, но кога ги виде за прв пат, го доби изненадувањето на животот. Имено, ниту во најлудите соништа не можела да претпостави дека нејзините два сина ќе имаат различна боја на кожа - и таа и нејзиниот сопруг се црни! Сепак, Даниел е роден како момче со темен тен и кафена коса, исто како и неговите родители, но Дејвид е роден со златно-руса коса и блед тен. Навистина неочекувано!
Близнаците Омирин се разликуваат во оваа мера затоа што Дејвид е роден со албинизам, ретка генетска состојба која вклучува недостаток на пигмент во кожата, косата и ирисот на окото.
Браќата сега имаат 4 години и навистина се симпатични и слатки, а мама Стејси редовно ги прикажува нивните авантури на Инстаграм.
„Тие привлекуваат многу внимание кога и да излеземе. Луѓето често ме прашуваат дали се пријатели или браќа. Кога им објаснувам дека се близнаци, тие секогаш велат: „Не, тоа е невозможно“, вели 34-годишната Стејси, кој работи и како моден дизајнер.
„Понекогаш луѓето даваат одредени коментари за неговиот албинизам. Децата сакаат да знаат зошто е бел. Но, јас го учам да биде самоуверен. Не треба да се грижи што мислат другите. Тој оди по својот пат“, истакнува оваа мајка и додава дека Дејвид може совршено да гледа, иако албинизмот често се поврзува со чувствителност на светлина и проблеми со видот.
Таа го опишува Даниел како љубопитен и исклучително уреден, додека Дејвид, кој исто така има албинизам, е пријателски настроен, но прилично палав.
Стејси се присетила и на шокот кога дознале за состојбата на Дејвид - нејзиниот сопруг бил надвор од себе од изненадувањето, па дури и медицинските сестри од болницата трчале да го видат ова необично момче.
„Нивниот татко беше пресреќен и веднаш го нарече Дејвид „Златен“. Беше пресреќен кога ги виде. Стоеше таму повеќе од 10 минути, зјапајќи во нив и рече дека тие се неговиот најголем подарок досега“, додала таа. Оваа среќна мајка освен близнаци има и постара ќерка.
„Кога бев бремена не знаевме за албинизам, па беше големо изненадување и неверојатен момент кога првиот близнак излезе со црна, а вториот со златна коса. Лекарите на прегледите ми рекоа дека имам идентични близнаци“, се присети Стејси.
ФОТО: Инстаграм
