Сè укажувало на инфекција на синусите, но дијагнозата била поразителна: Аника го изгубила окото, но не и надежта
Ракот „со големина на топче за голф“, кој заболува едвај еден од милион луѓе, не и ја одзема волјата за живот...
Аника е 28-годишна девојка од Калифорнија, која ги користи своите социјални мрежи за да ја шири свеста за ретката и многу страшна дијагноза со која се борела минатата година.
Како што опиша во неколку видеа, утрото кое промени сѐ започна сосема нормално. Таа се разбудила и забележала дека ја боли внатрешниот агол на десното око. Иако на почетокот не размислувала за тоа, веќе навечер почувствувала болка на целата десна страна од лицето.
Следниот ден, нејзиното лице било со отоци околу десното око, што ја испратило директно во болница без никакво размислување. КТ скенот во собата за итни случаи покажало воспаление околу окото на Аника, што ги навело лекарите да се посомневаат дека има инфекција на синусите. Отокот се намалил за неколку дена, но повторно се појавил една недела подоцна.
- За време на втората посета на итната медицинска помош, докторот го почувствува моето око и рече: „Ова не личи на инфекција на синусите“. Овој пат КТ скенот откри маса со големина на топче за голф, која ја немаше пред три недели - вели Аника во видеото.
На 27-годишна возраст, на Аника и бил дијагностициран синонасален карцином во четвртата фаза, познат и како „SMARCB1“, кој се проширил на нејзиното лице, белите дробови и лимфните јазли. Синоназалниот рак започнува во носната празнина, која се наоѓа веднаш зад и околу страните на носот. Таму можат да „растат“ неколку форми на рак, но овој се смета за исклучително редок - толку многу што едвај на еден од милион луѓе му „се случува“.
Според истражувањето на НИХ, помалку од 200 случаи се пријавени во медицинската литература. Студијата, исто така, забележала дека сочинува само еден процент од сите видови на рак на главата и вратот.
@and_also_annika Just the basics #cancerjourney #cancertok #itsmehi original sound - And_also_annika
Сè уште многу не е познато за прогнозата, но НИХ наведува дека повеќето пациенти преживуваат само две до четири години по дијагнозата, а „туморите во доцниот стадиум се поврзани со полоша прогноза“. Симптомите вклучуваат назална конгестија, главоболки, испакнати очни јаболка и крварење од носот.
Аника рече дека речиси веднаш почнала со хемотерапија, која траела девет недели. Меѓутоа, забележала мало подобрување и отишла на операција во декември минатата година.
- Мораа да го отстранат и околното ткиво, вклучително и моето десно око. Значи, она што го гледате сега е во основа делот од моето бедро што ја пополнува таа празнина. Ми рекоа дека некако ќе се намали, но исто така е со друга боја бидејќи бутот ми е многу потемнат. Знам дека не е супер. Знам кога читате за мојот рак дека е редок, агресивен и речиси секогаш има лоша прогноза, но ниеден лекар не ме седна и не ми рече: „Ќе живееш толку долго“. Затоа ја продолжувам борбата – рекла храбрата жена.
Аника моментално е на експериментален план за третман кој вклучува хемотерапија и имунотерапија за да се забави ширењето на нејзината болест. Иако статистиката е мрачна, Аника истакна дека не знае како изгледаат нејзините прогнози, пренесува „Дејли мејл“.
Фото: Принтскрин/Тикток
Извор:Оna.telegraf.rs
