Сакајте повеќе, смејте се погласно, бидете похрабри: Пет работи што се случуваат кога ќе влезете во 40-те!

Прославите на родендени отсекогаш биле најдобриот дел од годината. Да, беа, но со текот на времето не  е баш така, бидејќи колку свеќи ви требаат на тортата сега?

Со возраста доаѓа она од што многу жени стравуваат, а тоа е стареењето. Погледот кон рацете што почнуваат да покажуваат знаци на стареење, во брчките во огледалото, веројатно ве наведува да помислите дека сакате да ги прескокнете сите родендени по четириесетиот роденден. Но, верувајте ни, нема потреба од такво размислување, бидејќи има причини зошто ќе ги сакате 40-те години.

Ги има и оние помалку забавни делови, но еве пет основни работи што ќе ви се случат во 40-те години. Некои од нив се добри, а други не, но сепак тоа е животот.

Конечно сте самосвесни

Кога влегувате во четириесеттите години, сфаќате што сакате, во што сте добри, што цените, што сакате да правите во животот, а најдоброто нешто е што не мора да барате дозвола за било која од тие работи. Порано се грижевте за целта на постоењето и се будевте среде ноќ прашувајќи се како ќе се справите со проблемите.

Сега едноставно се соочете се, живејте и не двоумете се. Не плашете се, бидете храбри и бестрашни, затоа што четириесеттите години се такви. Вашата нова удобна зона каде сте задоволни со себе во секое издание.

Почнувате да заборавате

Како што влегувате во четириесеттите години, вашиот мозок почнува да ви служи малку послабо. Понекогаш ќе се случи да заборавите зошто влеговте во собата. Може да разговарате на телефон и да се запрашате каде е, барајќи го низ куќата.

Не е толку проблематично, но ако имате деца, тие може да очекуваат помош во средношколските задачи, што сега нема да ви биде лесно да ги решите. Сепак, и за тоа постои решение, а тоа е да се одморите и да ги оставите децата да учат со помош на нивните врсници. Вие не сте обврзани да знаете сè и тоа ви станува јасно.

Станувате поотпорни и независни

Порано ви требаше поддршка и одобрување на сите ваши идеи. Критиките ве погодуваа. Што и да мислеа луѓето за вас, вашиот брак, вашата работа, вашата коса, вашата куќа, вашиот автомобил, вашата влезна врата и други ситници, тоа често ве погодуваше. Но, вашата нова верзија во четириесеттите години едноставно не се грижи. Вие сами одлучувате и се занимавате со вашите одлуки.

Ако на другите не им се допаѓа, не ве интересира, затоа што конечно поставивте приоритети во вашиот живот и вие сте на прво место. Развивате еластичност и не се предавате лесно, па затоа четириесеттите години се одлични.

Вашата кожа се менува

Кога ќе ја видите вашата фотографија, имате сто коментари, но не многу позитивни. Може да филтрирате малку, да фотографирате од друг агол, и на крајот не зависи од вас, зависи од осветлувањето.

Не сте задоволни од секоја фотографија, бидејќи имаше подобри изданија. Тоа е природен тек на стареење и не мора да се грижите толку многу. Важно е да се заљубите и да се прифатите себе си токму онака какви што сте.

Вие разбирате кои се вистинските вредности

Децата, семејството, здравјето, тоа е она што е важно и вие го разбирате тоа. По четириесетата почнувате да им кажувате на другите да не бидат материјалисти и површни, бидејќи сте дошле до точка каде што самите сте го реализирале тоа. Ценете ги сите вообичаени моменти и ситници што ги добивате секој ден. Престанете да губите време и станете свесни за вистинските вредности, кои ги имате.

Така четириесеттите години носат промени. И физички и психички. Сакајте повеќе, смејте се погласно, бидете похрабри. Ја живеете најдобрата верзија од себе и единствено за што жалите е што не стававте малку повеќе крема за сончање во дваесеттите години.

Фото насловна: Shutterstock

Moжеби ќе ве интересира:

Грешки со фризурата после 40-та година: Совети за долга коса со кои нема да изгледате старомодно