Делта варијантата на коронавирусот, онаа што првпат беше откриена во Индија, е на добар пат да стане доминантен вид во САД.

Новите студии покажуваат дека варијантата делта е поврзана со двојно поголем ризик од хоспитализација во споредба со алфа варијантата (откриена за прв пат во Велика Британија).

Иако се покажа дека алфа варијантата е позаразна од оригиналниот вид на коронавирус, делтата варијанта се чини дека се шири уште полесно, но што е уште поважно, предизвикува потешка форма на болеста кај невакцинирани лица.

Во моментов, околу десет проценти од случаите со ковид-19 се припишуваат на делта варијанти. Сепак, Скот Готлиб, поранешен комесар на Администрацијата за храна и лекови, во неделното интервју изјави дека односот се удвојува на секои две недели, пренесува Си-Ен-Ен. Тој истакна дека вирусот наскоро ќе стане доминантен во САД.

Според новите податоци на Центрите за контрола и превенција на болести, 43,4% од Американците се целосно вакцинирани, а досегашните студии покажуваат дека и двете дози на вакцината штитат од делтата варијанта.

Сепак, експертите сè уште се загрижени.

Делта варијантата го удвојува ризикот од хоспитализација

Делта варијантата стана доминантна и во Велика Британија и според податоците од минатата недела сочинува 91% од сите случаи на коронавируси.

Оваа варијанта, прва откриена во Индија, двојно го зголемува ризикот од хоспитализација во споредба со претходно доминантниот вид во Велика Британија, но две дози на вакцината сепак обезбедуваат силна заштита, покажа шкотска студија објавена во понеделникот.