Син ми за малку ќе ослепеше поради играчки кои ги имате и вие: Мајка го разбранува Фејсбук со објавата
Мајка од САД неодамна ги предупреди сите родители на Фејсбук да обрнат внимание на играчките што ги купуваат за своите деца, откако нејзиниот син за малку ќе ослепел поради - „играчка за капење“.
Мајката на три деца, Иден Стронг, објаснила како била и претходно свесна колку лесно се собира мувла во играчките за бања и секогаш ја исцедувала водата по секое капење. За жал, дури и тоа, се чини, не е доволно, пишува „Сан“.
- Гледав објави во кои жените сечеа играчки и откриа голема количина мувла во нив. Затоа ги стискав по секое капење, ги чистев на секои неколку недели со раствор за белење, ги чував на светло и редовно барав мувла - ја започна својата исповед Стронг на Фејсбук.
Но, и покрај фактот што ги третирала играчките на нејзиниот син со белило, оваа мајка не знаела дека бактериите сè уште можат да се размножуваат во внатрешноста на играчките бидејќи тие, всушност, ретко се целосно суви.
Се сомневале на конјунктивитис
На почетокот на оваа година, дадилката и рекла на Иден дека нејзиниот син Бејлор си испрскал вода во окото од една од играчките за капење. Отпрвин, таа не паничела затоа што окото на детето било само малку црвено и не нашла мувла во играчките.
„Мислев дека неговото око е едноставно иритирано од вода или можеби од притисок од вода, па затоа не размислував многу за тоа “, продолжува Стронг.
До таа вечер, окото на Бејлор станало значително поцрвенето, па неговиот татко го однесол во болница затоа што се плашеле дека имал конјунктивитис.
- Лекарот ја потврди таа дијагноза, и се чувствував олеснето затоа што цело време бев многу внимателна. Момчето ја прими првата доза на капки за очи, и решив да му дадам дополнителна доза среде ноќ, само за да се осигурам дека ќе се чувствува подобро до утрото - објасни мајката.
Тој веќе не можеше да го затвори окото
Сепак, во текот на ноќта, состојбата на Бејлор се влошила.
- Не очекував дека ќе го најдам во креветче со око двојно поголемо отколку што беше пред спиење. Црвенилото се прошири преку неговиот образ. Веднаш се прашував дали може да има целулитис, па наскоро се упативме кон собата за итни случаи. Таму, лекар уште еднаш се согласи со мојата дијагноза и му напиша рецепт за орални антибиотици - напиша Иден на Фејсбук.
Но, во шест часот наутро, окото на момчето било толку отечено што веќе не можело ниту да го затвори, а преплашените родители се вратиле во болницата.
Лекарите не беа оптимисти
- Окото му беше толку отечено што белиот дел му излегуваше помеѓу очните капаци, а зеницата беше целосно замаглена - мајката ја опишува таа ужасна глетка на лицето на нејзиниот син.
Момчето, како што вели, било топло на допир, а мерењето на температурата покажало дека има силна треска. Кога се вратиле во собата за итни случаи, на Бејлор веднаш му биле дадени антибиотици и лекарите морале да ја проверат мрежницата .
- Следната недела беше запрепастувачка. Тој имаше сериозен целулитис (акутна бактериска инфекција на кожата и поткожното ткиво), кој на крајот се прошири преку неговото лице и на обете очи. Бев предупредена дека може да го изгуби видот во окото кое беше посериозно погодено, но на крајот, фала му на Бога, неговите очи беа излекувани - открива Стронг.
Нејзината објава сега ја споделуваат сите
Целулитисот обично е предизвикан од бактериска инфекција и е болна состојба која главно ги погодува рацете, нозете и стапалата. Со тоа што ги поттикна другите родители да не ја прават истата грешка, Иден заклучи една работа.
- Играчки за бања? Извадете ги! Не можете да ги исчистите, едноставно не можете. Не можете да ги видите бактерии и јас го знаев тоа уште од 6-то одделение, но мислев дека сум попаметна од валканите играчки во кадата. Не бев во право - пишува таа.
Објавата на Иден ја споделија повеќе од 250.000 луѓе на Фејсбук, а во коментарите, во кои има над 40.000 луѓе, тие бурно реагираа на нејзиното искуство, се заблагодарија за советот, но исто така споделија идеи како да се направат детските играчки побезбедни.
Извор: yahoo.com/Foto-Eden Strong Facebook
