Сопругата на Пирс Броснан имала 135 кг., новите фотки открија дека се преполовила: Бринетата блеска, а актерот како и секогаш-вистински господин
Холивудскиот актер Пирс Броснан деновиве е „фатен“ на улиците на Малибу додека со сопругата Кили Шеј Смит излегувал од познат ресторан, каде парот уживал во ручек. Познатиот шармер изгледаше одлично во лежерна, иако елегантна комбинација, успешно комбинирајќи морнарско и црно. Посебно шик детаљ беше шалот што ноншалантно го обвил околу вратот.
Меѓутоа, овој пат многу поголемо внимание привлече неговата 60-годишна сопруга. Веќе неколку недели се шпекулира дека Кили ја намалила својата фигура, а овие фотографии го докажуваат тоа.
Шармантната бринета изгледаше одлично во класичен црн костум и бела кошула, а изгледот го заокружи со црна кожна чанта и шик чевли со животински принт.
Костумот ја истакна значително послабата фигура на Кили, а за да видите голема разлика, треба само да ги погледнете нејзините фотографии од пред само неколку месеци. Некои странски портали наведуваат дека од моментот кога била најдебела и имала 135 килограми ослабела дури 45 килограми! Иако нејзиниот процес на слабеење бил долгорочен и здрав и не се одлучила за ригорозни диети, најголемата промена се случила во последните шест месеци.
Да потсетиме, Пирс Броснан во неколку наврати ја бранеше Кили од критиките од јавноста за нејзината тежина. Кога еднаш го прашале што мисли за тежината на неговата сопруга, актерот саркастично одговорил: „Таа е една во милион. Многу сум среќен што ја најдов“.
„Ја сакам нејзината виталност, нејзината страст. Кога Кили ќе ме погледне, таа секогаш ме соборува од моите нозе и ме прави да се чувствувам слаб во колената“, додал тој.
Во една прилика, актерот дури и призна дека не само јавноста ја коментира тежината на неговата сопруга, туку и нивните пријатели.„Пријателите дури и понудија операција за намалување на килограмите“, коментира тој и додаде дека е цврсто против тоа: „Ја обожавам секоја облина на нејзиното тело. Таа е најубавата жена во моите очи. А и затоа што е мајка на нашите деца. Во минатото навистина ја сакав поради тоа што е, не само поради нејзината убавина, а сега ја сакам уште повеќе затоа што е мајка на моите деца. Многу сум горд на неа и секогаш се трудам да бидам достоен за нејзината љубов“.
FOTO: Instagram
