Стил на денот: Мантилот „две во едно“ на Елена Ристеска - модно парче кое секоја жена треба да го има
Таа е една од најубавите и најстилизираните пејачки на нашето естрадно небо...
Елена Ристеска веќе 20 години е присутна на македонската музичка сцена. Девојчето со шарени чорапчиња, денес е остварена жена, претприемачка и секако пејачка. И по 20 години интересот за нејзината музика не престанува, а каде и да се појави, прави забава за која долго се зборува.
Една таква направи за Велигден, кога настапи во Кочани. Освен добрата забава и одличната музика, Елена на своите обожаватели им го покажа и својот одличен стил. Кај неа, сѐ е во знакот на минимализмот, па така на себе имаше облечено црн мини фустан на долги ракави, црни високи потпетици, висечки обетки и часовник. Но, она што им го привлече вниманието на сите е нејзиниот мантил.
Идеален за пролетните дожделиви денови, овој матинтил и навистина модно парче кое секоја жена треба да го има во својот плакар. На половината има патент, кој ако се отвори, од мантил ќе добиете кратка јакна.
фото: Принтскрин / Инстаграм
