The Distinguished Gentleman’s Ride– Скопје 2018
Уште една успешна организација на глобалниот хуманитарен настан “The Distinguished Gentleman’s Ride” во нашиот град На 30 Септември Скопје блескаше со 150 прекрасни мотоцикли и елегантно облечени дами и господа Изминатиот викенд традиционално трета година по ред Скопје се приклучи на најголемиот глобален мотоциклистички настан “The Distinguished Gentleman’s Ride”.
Настанот кој ги обединува во исти ден 630 градови, 100 држави и преку
110.000 мотоциклисти оваа година, има за цел да ја подигне свеста за машкото
здравје, а водено собраните донации кои је достигнаа бројката од 6 милиони
долари се наменети за програми за машкото здравје. Партнер на настанот
глобално е Мовембер фондацијата, која се грижи собраните средства навистина да
бидат доделени онаму каде што се нај потребни. Како што споменавме оваа година
настанот во Скопје го подржаа 150 мотоциклисти со своите класични и “café
racer” мотоцикли кои се симбол на овој настан. Воедно и самите мотоциклисти по
правилата за учество беа облечени во елегантна гардероба што како целина дава
навистина убава слика. Почетокот на настанот беше на плоштадот Мајка Тереза
пред Македонската Опера и Балет, а парадното возење ги опфати речиси сите
улици од централното градско подрачје. За прв пат оваа година партнер на
настанот во организацискиот дел беше Градот Скопје и самиот настан со своите
веќе три успешни организации полека но сигурно влегува во мапата на
културните градски случувања.Навистина убав ден за сите учесници и пријатна
гледка за сите кои ја проследија оваа единствена мотоциклистичка парада низ
скопските улици и секако вреди да се спомене хуманоста како составен дел на
настанот која не изостана и со вкупната бројка од 2242 долари собрани донации со
што го постави нашиот град меѓу нај успешните на балканот.
