Тие се „најтешките“ познати лица во регионот: Новак Ѓоковиќ убедливо води со вртоглави 220 милиони долари - кои се останатите седум ѕвезди?

Добивај вести на Viber

Светски познатата веб-страница „celebrity networth“ ја собра нето вредноста на личностите од светот на забавата, спортот и другите индустрии, а овие личности се најбогатите на нашите простори.

Според податоците на светски познатиот сајт, најбогат човек  од регионот е Новак Ѓоковиќ.
Најуспешниот српски тенисер има нето вредност од 220 милиони долари.

Ѓоковиќ се наметна како еден од најдобрите тенисери на сите времиња и кариера исполнета со импресивни победи. Во 2016 година, тој стана првиот играч кој ги собра сите три големи титули на три различни површини. Тој е и единствениот машки тенисер кој ги освоил сите девет турнири на Мастерс 1000. Во текот на неговата кариера, тој беше прворангиран играч на АТП во пет одделни наврати. 

По Новак се Драгана Мирковиќ и Дино Мелин. Според извештајот на популарниот сајт, тие се „тешки“ 100 милиони долари. 

Еден од најпопуларните и најуспешните уметници од Босна и Херцеговина, Дино Мерлин и една од српските најуспешни пејачки, Драгана Мирковиќ која поседува и вила вредна 50.000.000 евра во која има и сала за бал.

Светлана Цеца Ражнатовиќ има нето богатство од 80 милиони долари. 

Со оглед на тоа што Цеца е популарна пејачка од 1988 година и е една од најплатените српски музички уметници, не е изненадување што нејзината нето вредност се проценува на милиони. Има издадено 19 студиски албуми. Во јавноста се шпекулира дека нејзиниот најпродаван албум е „Деценија“ кој го издаде во 2001 година. Во тоа време се продаде во неверојатни 550.000 примероци.

Секако на списокот е и Јелена Карлеуша! Пејачката не е побогата од споменатите колешки, но е и крајно „тешка“ бидејќи нејзиното богатство се проценува на вртоглави 40 милиони долари! 

На споменатата веб-страница Јелена е опишана како една од најпопуларните пејачки на Балканот, чија кариера ја красат 10 студиски албуми, а добитничка е и на повеќе музички награди. Карлеуша годинава прослави 27 години од кариерата.

Пејачот Здравко Чолиќ кој има нето вредност од 20 милиони долари важи за една од најголемите ѕвезди во регионот.

 Тој е многу популарен во некогашна Југославија. На крајот на 2019 година, Здравко успеа да исполни шест белградски арени со турнејата наречена „Ono malo sreće“ и со тоа да постави рекорд кога се во прашање регионалните изведувачи и нивниот успех во музичкиот свет.

Музичарот и текстописец Горан Бреговиќ може да се пофали со богато искуство кога е во прашање неговата кариера, но и со странските соработки. Неговото богатство се проценува на 20 милиони долари. 

Тој е најпознат по тоа што е водечки гитарист на групата Bijelo Dugme. Горан Бреговиќ сними неколку филмови, исто така, компонираше песни за многу популарни уметници, вклучувајќи ја и Иги Поп.
И покрај неговото богатство, омилениот автомобил на Брега и понатаму е неговиот автомобил стар три децении, кој тој сè уште го вози. 

Југословенската пејачка Лепа Брена има нето вредност од над 16 милиони долари.

 Таа е најпродаваниот женски уметник во поранешна Југославија, со продадени повеќе од 40 милиони плочи. Иако нејзиното вистинско име е Фахрета Живојиновиќ, таа е попозната под уметничкото име Лепа Брена.
Фахрета Живојиновиќ се појави и во неколку филмови и телевизиски серии. Таа глумеше на новогодишната забава во Белград во 2016 година заедно со Стивен Сигал. Таа е во брак со познатиот тенисер Слободан Боба Живојиновиќ со кој изгради вистинска империја, а двојката секое лето ужива на својата јахта вредна 6.000.000 евра.