Утринско кафе со Златко Анчевски: Зависен сум од серијата „Чернобил“
Утринското кафе обично го пијам заедно со „Балкан бенд“, секогаш има што да си кажеме. Зависно од обврските, договараме нови проекти, работно лето кое е во тек и она што спремаме од септември натаму, да го видите од „Балкан Бенд“.
Најмногу ме мотивираат хумани луѓе кои несебично го делат и последниот залак за да помогнат некому. Ме мотивираат и сите оние кои несебично ни ја даваат поддршката на нашите настапи, магијата на публиката на која секогаш им е "малку" од нашите песни.
Во принцип јас сум ранобуден, секое утро ми започнува со гоооолема прегратка од моето дете, тоа е наш дневен ритуал. После тоа, кафе како што кажав погоре, па татковски обврски кои ги има многу, а во попладневните часови најчесто се поврзани повторно со Балкан бенд, проби и секако договарање на настапи. Во принцип, сакам да стигнам секаде ама тоа и не е така возможно секој ден.
Денот ми завршува со најблиските, со сопругата и со оние што најмногу ги сакам. Во принцип, книги обожавам, но повоторно ќе кажам, колку ми дозволува времето. Читам понекогаш странски автори но она нашето, македонското ми е најомилено.
Филмоман сум и секое слободно време го користам да гледам добар филм а во последно време сум "зависен" и од американските серии кои како што е „Чернобил".
* Златко Анчевски, фронтмен на „Балкан бенд“
