Вакцината на Фајзер не се препорачува за трудници
Упатства за вакцината против корона се појавија на официјалната веб-страница на Владата на Обединетото Кралство, и се вели, меѓу другото, дека бремените жени, доилките и жените кои планираат бременост не треба да се вакцинираат.
Откако Велика Британија, како прва земја во светот, ја одобри вакцината против коронавирусот на компанијата Фајзер, се појавија вести кои ја вознемирија јавноста - бремените жени нема да можат да се вакцинираат.
Сепак, научните податоци велат дека предупредувањето на британската влада треба да се сфати повеќе како мерка на претпазливост отколку како знак дека нешто не е во ред со вакцината.
Која е причината за претпазливост кога станува збор за оваа категорија граѓани?
Имено, иако досега тестираните случаи не покажаа дека вакцината Фајзер претставува ризик за бременост, таа едноставно не е тестирана на бремени жени како посебна категорија и во сегашниот недостаток на овие студии, не е познато како може да влијае на здравјето на мајката и фетусот. Затоа, се препорачува овој превентивен лек да не се дава на бремени жени, доилки и оние кои планираат бременост.
Она што дава надеж дека студиите ќе покажат безбедност и за оваа група, е фактот дека вакцинираните бремени жени не биле вознемирени од вакцината на кој било начин. Според веб-страницата ITV.com, професорот Џонатан Ван Там вели дека имало жени кои вакцината ја примиле како волонтери, а потоа се породиле без никакви здравствени проблеми и компликации.
Тој особено посочи дека на овие упатства на британската влада треба да се гледа како на мерка на претпазливост, а не како на предупредување дека вакцината има штетни последици.
Патем, вакцината на Фајзер се покажа како најбезбедна при тестирање врз луѓе, а нејзината ефикасност е 95%.
-Корона пасош: Нема да можете да одите во ресторан, кино, на натпревар ако не сте вакцинирани
