Вистинско медицинско чудо: Жена со двојна матка родила близнаци, поради тоа се смета за феномен

Добивај вести на Viber

Иако Ли ја прекинала првата бременост, таа повторно забременила во јануари и минатиот месец родила момче тешко 3,2 килограми и девојче тешко 2,4 килограми.

Мајката, по име Ли, е родена со две матки, а минатиот месец родила близнаци, по еден од секоја утроба, во болница во северозападна Кина, јавува Си-Ен-Ен.

Таа родила момче и девојче со царски рез, објави болницата Ксиан во провинцијата Шанкси и оваа појава е „еден во милион“.

Исклучително ретко се случува близнаците зачнати по природен пат да се наоѓаат во секоја празнина на матката, а уште поретко е да се родат во ист термин - објави болницата на својот официјален профил на кинеската платформа Веибо на 18 септември.

Според болницата, мајката е родена со два грла и две матки, состојба наречена матка диделфија која се јавува кај околу една од 2.000 жени.

Нејзината приказна беше присутна во кинеските социјални медиуми и стана актуелна тема, со повеќе од 50 милиони прегледи во последните денови, а многу корисници испраќаат пораки со почит.

- Тоа е чудо! – напишал еден корисник, додека друг рекол: „Каква среќна девојка е таа!“. Некои изразија загриженост за мајката, а еден корисник напиша „Ова сигурно беше исклучително тешко, но и опасно за неа!“.

Се чини дека приказната на Ли имала среќен крај откако се соочила со такви околности, а болницата открила дека таа имала спонтан абортус во претходната бременост.

Но, во јануари, Ли повторно забременила и за време на раниот ултразвук открила дека не очекува само едно дете, туку близнаци - по еден во секоја матка.

По строг лекарски надзор таа успешно родила момче тешко 3,2 килограми и девојче тешко 2,4 килограми, соопштија од болницата.

Фото: Freepik.com
Извор: Najzena.alo.rs