За стилот со Викторија Бурсаќ: Го спојувам неспоивото
Со стилот сака да инспирира, а вели дека за истиот е потребен персоналитет, познавање на модните трендови и префинетост
Познатата модна стилистка и дизајнерка Викторија Бурсаќ, која најчесто стои зад стајлингот на младата пејачка Антониа Гиговска, но и многу други познати јавни личности од земјава како Лара Иванова, Туна, Тамара Тодевска, специјално за „Женски магазин“ открива дел од својот гардеробер.
Кои се нејзините омилени парчиња облека и дали сака да експериментира, откријте во продолжение.
* Дефиниција за стил?
- Перфектно носење на сопствената индивидуалност во допир со актуелните модни трендови.
* А, Вие стилски се дефинирате како...
- Авангарда.
* Што е пресудно за добар стил?
- Персоналитет, познавање на модните трендови и префинетост.
* Комбинирате елегантно со спортско или сте камелеон во облекувањето?
- Согласно актуелните светски модни трендови, ДА, го спојувам неспоивото.
* Минимализам, хедонизам, авангарда?
- Авангарда и минимализам.
* Гламур или класика?
- Зависи од приликата. Значи и двете.
* Омилени нешта од Вашата облека?
- „Oversize“ оделата, култните парчиња патики, карго панталоните со високи потпетици.
* Дали практикувате брендирана облека или не Ви е пресудна етикетата?
- Доколку паралелно брендот гарантира и квалитет и уникатност, ДА!
* Што сакате да постигнете со Вашиот стил?
- Да инспирирам!
* Дали ако сте автентична, тоа значи и осудување од нашава средина?
- Секогаш, за жал...
* На кој дизајнер би му дозволиле да Ви го преуреди гардероберот?
- На дизајнер не, но на стилист да, Maeve Reilly.
* Што облекувате денски, а што навечер?
- Денски- „оldschool“: фармерки, патики, маички, сакоа. Навечер- панталони, „body“, фустан, мантил, чизми или штикли.
* Дали експериметирате со косата и шминката?
- Согласно стилизирањето, ДА, косата и шминката мора да се тесно поврзани со стајлингот во целина.
* Ваши трикови за брз, но ефектен изглед.
- Впечатливо дизајнерско парче облека, одлично стилизирано и останувате во центарот на вниманието.
