Животна училница // Приказни
ВИКЕНД ИНТЕРМЕЦО: Како настанале македонските хитови?
Емотивна балада, насловната композиција од последниот албум на „ДНК“. Музиката е заедничко дело на Лазар Цветковски и Панчо кој, пак, е и автор на приказната, посвета на неговата мајка.
- Секој од нас изгубил некој свој ближен и сакан. За жал, некој порано, некој подоцна, но болката во срцето и душата е секогаш неподносливо иста. Овој рефрен е посветен на сите оние кои го почувствувале чемерниот јад и болка од прераната разделбата со своите сакани. Запаметете дека саканите личности иако не се тука меѓу нас, тие секогаш живеат во нашите срца сè дури ние ги споменуваме. Овој рефрен е посветен на Каќуша Свилиќ, мојата мајка и вечна хероина од моето детство и младост – изјави Панчо.
Кадрите за спотот, кое всушност е симболика на нераскинливата врска меѓу мајката и детето, животот и смртта, се снимани во Марков манастир и на Козјак.