Со спектакуларно шоу на отворањето, претставувајќи го своето минато и најавувајќи ја светлата иднина, Јужна Кореја ги започна 23 Зимски олимписки игри. Овие игри имаат историско значење. За првпат двете Кореи учествуваат под исто знаме.
Околу 3.000 спортисти ќе учествуваат од утре во борбите за медали. Македонија со тројца претставници го има своето седмо учество на ЗОИ. Нашата земја ја претставуваат: знаменосецот и скијач Ставре Јада, Викторија Тодоровска во нордиско скијање и најискусниот Антонио Ристевски кој ќе се натпреварува во алпско скијање.
