Џејми Оливер во петокот објави дека затвора дванаесет ресторани ширум Велика Британија поради „реконструкција“ на компанијата.
Синџирот ресторани во сопствеништво на познатиот готвач Џејми Оливер "Jamie’s Italian" моментално е во долг од дури 71,5 милиони фунти.
Според британските медиуми, еден од најпознатите готвачи на светот на персоналот му должи 2,2 милиони фунти, а минатата година работел во загуба од десет милиони.
Освен неколку милиони за „ситни“ долгови, кредитори, даночна управа, сопственици на простори и доставувачи Џејми должи и 41,3 милиони фунти. Инаку, Оливер во петокот објави дека затвора 12 ресторани ширум Велика Британија поради „реконструкција“ на компанијата. Вкупно тој има 25 ресторани во Британија и 28 во Америка.
Неговото богатство се проценува на 150 милиони фунти, а наводно вложил три милиони сопствени пари во оваа работа. Финансиските експерти пак, брзо предвидоа ваков крах-неинвестирање, неатрактивни локации и високи трошоци им пресудија на рестораните на Оливер.
