Сосетката откри како почнала крваввата глетка која го потресе целиот регион: Еве како монструмот ја киднапирал невенчаната сопруга од куќата на тетка ѝ
Нермин Сулејмановиќ првиот куршум го испукал на периферијата на Градачац кон Недим Памуковиќ, кој е син на тетката на несреќната Низама Хеќимовиќ. Сулејмановиќ дошол да ја земе својата невенчана сопруга од куќата на нејзината тетка, поточно каде што таа се криела откако тој неколку дена пред тоа, крвнички ја претепал.
- Незима беше кревка жена која ја мачеше, па таа со бебето побегна кај тетка и. Тој во петокот околу 11 часот дошол пред вратата на Памуковиќ и ја побарал Низа. Кога излегла и рекол да појде со него, но таа се спротивставила. Почнал да ја тепа и да ја влече, а нејзиниот братучед почнал да ја брани. Кога видел дека тој има пиштол, истрчал нагоре во дворот, а монстурмот го застрелал во бутот и ја одвлекол Низа во автомобилот, па ја однел во викендицата каде што ја убил маченичката - изјавил за Република еден од соседите на Памуковиќ.
Медиумите во Босна и Херцеговина ја објавија одлуката на Општинскиот суд во Градачац со која се отфрла предлогот на МУП да му се изрече забрана за приближување на Нермин Сулејмановиќ. Четири дена подоцна Сулејмановиќ ја убил својата невенчана сопруга.
Како што пренесуваат медиумите, Министерството за внатрешни работи на кантонот Тузла и полициското одделение Градачац поднеле барање да му се изрече заштитна мерка на Нермин Сулејмановиќ со која се забранува вознемирување и следење на лице изложено на насилство и заштитна мерка ,забрана за приоѓање до жртвата на насилство, сепак, судот одбил.
Три дена подоцна, на 7 август, жената од страв од реакцијата на Сулејмановиќ, жртвата не сакала да даде изјава во полиција, велејќи дека тоа само ќе ја влоши ситуацијата, но го поддржала изрекувањето заштитни мерки.
За несреќа, Сулејмановиќ, кој бил пријавен во полиција за семејно насилство, и бил добро познат на полицијата како престапник, во петокот ја уби својата невенчана сопруга пред викендица во Сибовац, недалеку од Градачац, додека нивната ќерка лежела на подот и плачела.
Во вознемирувачкото видео, кое сега е избришано, тој ја прашал несреќната жена зошто го пријавила во полиција, а Низама одговорила дека се плашела за себе и за детето.
Откако ја убил сопругата, Нермин ги убил и таткото и синот, турските државјани Ондер и Денис Џенгис, а сопругата и мајката на убиените сопрузи се ранети и се во критична состојба на Клиниката за анестезиологија и реанимација во Тузла.
Фото: printscreen/facebook
Извор: kurir.rs
