24 годишна девојка се забавува само со богати кои ѝ купуваат брендирани чанти и ѝ плаќаат естетски корекции - таа тоа го вика ловење богаташи
Сафон Мари Босвел (24) на социјалните мрежи откри детали од
својот ексцентричен начин на живот. Таа вели дека се забавува само со богати
мажи и дека во последните 10 месеци сама ништо не платила, но затоа добила
40.000 фунти во дизајнерски чанти, облека, накит и естетски корекции.
Деталите ги објави пред неколку недели и предизвика бројни негативни коментари на Тикток, каде ја следат околу 45.000 луѓе.
„Објавив видео на Тикток и ќе бидам искрена, не можам да најдам убави коментари. Видеото е смешно и начинот на кој ги изразувам работите е намерно провокативен, но многу девојки го прават тоа што го правам јас, јас сум само искрена за тоа. Од кога имав 16 години им реков на мажите со кои излегував дека не ме интересираатако не се подготвени да ми ги платат сметките. Мажите едноставно се слаби на жените. Запознав различни типови на мажи работејќи во стриптиз клуб па сега тоа го вртам во моја корист. Така работам.
Моите девојки и јас тоа го нарекуваме риболов. Одам по барови со скап накит, дизајнерска чанта и беспрекорна коса, а потоа парите почнуваат да се тркалаат додека разговарам со богати мажи. Секој има своја страст во животот, а ова е моја“, рече таа.
Сафрон живеела во Ромфорд до својата 15-та година. Очајна за пари, една година подоцна во 2015 година го напуштила училиштето и се пријавила за работа како келнерка во Лондон. Кога стигнала на интервјуто, сфатила дека е во стриптиз клуб, но тоа не ја обесхрабрило:
„Видов колку овие жени се самоуверени и колку внимание добиваат од мажите, а знаев дека и јас го сакам тоа. Не ми бараа лична карта, па не ја ни спомнав мојата возраст. Се чувствував удобно, тоа беше безбедно и пријателско опкружување“.
Таа продолжи: „Првата вечер заработив 700 фунти само од мажи кои ми даваа пари за да разговарам со нив и ми се допадна тоа. Не бев без облека како другите девојки. Носев зелен фустан. Кога постарите девојки ми покажуваа повеќе трикови, заработив уште повеќе пари и добив повеќе ВИП клиенти. Постарите жени кои работеа таму ме земаа под своја закрила и ми покажаа како да заработам пари - се е до тоа како разговараш со нив. И кажав на мајка ми дека работам во бар и ги забавував клиентите кога имав 17 години и таа веднаш погоди дека тоа е стриптиз клуб. Не зборуваше со мене некое време, но на крајот беше среќна што најдов нешто што сакав да направам“.
Својот прв sugar daddy го запознала во кафеана, набргу откако почнала да работи.
„Имаше прекрасен Ролс Ројс и еден ден се појави со кутии од Луј Витон на предното седиште. Бев импресионирана, но некои од другите танчерки ми рекоа да го задржам за себе или други девојки ќе му пријдат. Многу луѓе погрешно разбираат и мислат дека вие мажите сакате за возврат нешто сексуално или врска, но тие не го сакаат тоа. Тој не сакаше ништо, само беше дарежлив“.
Кога имала 19 години, запознала маж во казино во Лондон кој ѝ рекол дека ќе ѝ плати се‘, па таа престанала да работи во стриптиз клубот, четири години до 2022 година кога тој завршил во затвор поради нелегален трансфер на пари. Додека бил во затвор, Сафрон се вратила на своето старо јас. Одела со другарките во луксузни барови, а по неколку пијачки им рекла на мажите дека мора да си оди дома поради работа.
„Обично кажувам нешто како „Би сакала да останам со тебе, но морам да работам вечерва“ и девет пати од 10, ќе ме прашаат колку заработувам, а потоа ќе ми ги дадат парите. Им кажувам дека сум хостеса и дека заработувам помеѓу 500 и 1.000 фунти, а тие обично ми даваат 1.000 фунти. Потоа, како што минува ноќта, навестувам работи што сакам или велам дека треба да платам за факултет. Јасно е што сакам и има мажи кои ќе ми го дадат тоа“.
Еден маж ѝ ветил дека ќе и плати четири години за студирање, но подоцна дознала дека е оженет и дека сето тоа е лага.
Во изминатите 10 месеци, таа купи чанта Версаче Медуза од 1.500 фунти, очила за сонце Версаче, Диор, Гучи и Фенди од 1.000 фунти, капут и чанта од 4.000 фунти Fendi и класична чанта Шанел од 5.000 фунти. Таа имала операции, вклучително и подигнување на задникот од 10.000 фунти и козметички третмани како што се филери и белење заби за 5.000 фунти.
Таа инсистира богатите мажи да се дружат само со неа, како и дека таа е секогаш со нив на јавни места, во друштво на пријателки.
