5 невкусни однесувања на детето кои се одраз на лошите одлуки на родителите
Премногу се зависни
Родителите кои се премногу заштитнички настроени, па како октопод ги фаќаат и опкружуваат своите деца, прават тие да бидат премногу зависни од своите родители, а со време и од другите. Децата кои навикнале секогаш некој да ги решава нивните проблеми, постојано да им стои на пат и да донесува одлуки наместо нив, склони се кон лошо снаоѓање во животот. Тие по тој образец, продолжуваат да бараат личности кои ќе можат во животот да ги водат, со тенденција да станат зависни од нив.
Прекинуваат
Доколку родителите се склони да му „ упаѓаат некому во збор “, нивните деца сигурно ќе го прават истото. Секогаш пуштете го своето дете да ви каже што сака, до крај. Не дозволувајте вие да сте поважни од детето и дајте му простор да се изрази. Научете го своето дете колку е важно да сослуша и да го дочека својот ред да говори. Тоа ќе научи да биде покултурно и во подобра комуникација.
Непочитување на возрасните
Ќе има моменти во кои некој друг ќе го чува вашето дете. Ваши роднини, дадилка, пријател или соседите... Доколку не се трудите да го воспитате детето така што ќе ве почитува, тоа нема да го прави ниту со другите. Со тоа автоматски создавате лоша слика за себе и вашето дете.
Претерано делење
Децата од најрана возраст се учат да делат. Доколку не го научите детето дека некои работи не треба да ги изнесува надвор од дома, тоа само нема да направи разлика помеѓу приватноста и јавноста. Не сакате вашата „нечиста долна облека“ или интима дa се делат дома, кога ви доаѓаат гости или во градинка . Затоа научете ги своите деца што останува во вашите четири ѕида.
Пријатност и култура
Никогаш не е премногу рано да ги научите вашите деца да бидат пријатни и културни. Тие навистина мора да ги знаат основните зборови на пријатност како што се: извини, благодарам, те молам и така натаму. Децата учат од најрана возраст, а ако културата и пријатноста им ги приближите од најран период , другите ќе бидат воодушевени од нив.
