52-годишниот италијански милионер очекува дете со двојно помладата девојка
Џанлука Вачи и неговата девојка Шерон Фонсека ги споделија среќните вести на социјалните мрежи.
Популарниот италијански плејбој и милионер Џанлука Вачи (52) ја објави среќната вест дека тој и неговата девојка Шерон Фонсека (25) го очекуваат своето прво дете - момче.
Обајцата објавија видео за Денот на мајката, а потоа Шерон објави фотографија во која веќе може да се види нејзиниот труднички стомак.
- Ви благодарам многу за љубовта што ни ја давате. Ние сме многу благодарни на животот за овој прекрасен подарок - напиша Џанлука.
Италијанецот стана познат во 2017 година благодарение на видеата каде што танцува, кои се ширеа на социјалните мрежи со брзина на светлината.
Во истата година, медиумите за прв пат го поврзаа со убавата Шерон од Венецуела.
Пред тоа, тој беше во врска со Аријана Гутиерез (26), која стана позната како единствената прва придружничка која ја држеше титулата Мис Универзум само 5 минути, пред да и ја земат круната и да ја дадат на Мис Филипини.
И покрај тоа што има само 52 години, Вачи, беше прогласен од медиумите „најсекси дедо на светот“ поради неговата сива коса и брада. Тие се негов заштитен знак, исто како и бројните тетоважи на своето извајано тело.
Џанлука веќе има ќерка, Џинвера Мавила, ја доби со поранешнна партнерка во 2002 година.
Иако во неколку наврати се пишуваше дека тој има сериозни финансиски проблеми, денес неговото богатство се проценува на околу 350 милиони британски фунти.
извор:telegraf
