„Бев неподвижна, во својот кревет, а маж ме силуваше“: Жизел јавно ја сподели голготата, а светот ѝ се воодушевува
Жизел Пелико (71) била силувана повеќе од 200 пати, за што бил обвинет нејзиниот сопруг, кој со години користел дрога и во нивната куќа носел непознати лица.
Таа е храбра Французинка, која застана во одбрана на себе и реши да сведочи против нејзиниот наскоро поранешен сопруг, обвинет дека ја дрогирал речиси цела деценија и дозволувал на десетици мажи да ја силуваат повеќе од 100 пати додека таа била во збунетост.
Страшната приказна за малтретирањето на Жизел Пелико, за кое, освен Доминик Пелико, беа обвинети и уште 51 маж, го следеше светот, а нејзината желба да се откаже од правото на анонимност во таков деликатен процес, одекна уште посилно.
- Избрав судењето да биде јавно затоа што не сакам ниту една друга жена да биде подложена на ваква злоупотреба. Ова е причината зошто не сакав судењето да биде зад затворени врати. Ова го правам во име на сите жени кои можеби нема да бидат препознаени како жртви – рече Жизел.
Оваа 71-годишна жена, иако трпела тортура и повеќекратни силувања во кои учествувале неколку мажи истовремено, не се сеќава на овие страшни настани. Никогаш нема да го заборави моментот кога полицијата и ги покажала видеата од телефонот на нејзиниот сопруг, кој беше уапсен во 2000 година додека снимал девојки под здолништата во продавница, што доведе до откривање на ова страшно злосторство.
- Мојот свет се распадна. Внатре сум урнатина, можеби не се гледа од моето лице, но од грбот... Ниту еднаш не помислив дека сум загрозена и во опасност. Се што имав со маж ми се распаѓа. Имаме три деца, седум внуци, во брак сме. Дури и нашите пријатели секогаш велеа дека сме совршен пар - сведочеше таа на судот во Авињон за злоставувањето кое започна во 2011 година:
- Ова не се сцени со секс, тоа се сцени со силување, ги има по двајца од нив, тројца врз мене а јас лежам без свест. Никогаш во животот не сум имала оргија. Јас сум жртвувана на олтарот на блудот.
Таа, меѓу другото, го опиша и моментот кога и ги кажала сите овие информации на својата ќерка Каролина Даријан.
- Кога и кажав што се случува, таа врескаше како диво животно. Никогаш нема да го заборавам тој момент. Кога им го кажав истото на моите синови, мислам дека навистина не разбраа, беа повлечени и не реагираа многу. Мислам дека беа во состојба на шок, затоа што ми одговорија со: „Не кажувај такви глупости“, а постојано ми се јавуваа да проверат каде сум, бидејќи беа загрижени дека може да умрам – се присети оваа кревка мајка на три деца.
Работите да бидат уште полоши, полицијата пронашла и фотографии на компјутерот на Доминик во папка наречена „За мојата ќерка, гола“, на кои Каролин е фотографирана во туѓа долна облека и облека на нејзината мајка. Таа веќе ја напиша книгата „Престанав да те викам тато“, која беше користена на судењето, но сега е многу загрижена дали можеби татко ѝ дозволува и мажите да ја силуваат.
Ништо од ова немаше да биде откриено доколку полицаецот Жереми Бос Платиер, кој прв го уапси Пелико, не процени дека „извршил најмалку 200 дела на силување врз својата сопруга“ со тоа што контактирал со непознати на веб-страница и ги поканил во нивниот дом.
- Ми го спаси животот и веројатно немаше да бидам тука без него - се заблагодари Жизел на судењето и се присети на моментот кога нејзиниот сопруг признал дека „снима нешто лошо“:
- На 19 декември [2020 година] мојот сопруг рече дека имал проблем со телефонот и кодот. Тогаш навистина не разбрав. Бев кај ќерка ми. Кога се вратив во Мазан, нашето село, тој беше поинаков, изгледаше бледо и загрижено.
Како што таа сведочела, тие биле во кујната кога тој седнал и почнал да плаче.
- Сè уште не разбрав. Рече дека направил глупост. Го прашав што. Тој рече дека бил фатен во супермаркет во Карпентрас како снима под женско здолниште. За 50 години, тој никогаш не сликал други жени. Тој рече дека нема да го повтори тоа затоа што нашата врска се заснова на доверба во последните 50 години - изјави Жизел, која моментално е во процес на развод, додека нејзиниот сопруг е во притвор обвинет за низа неискажливи злосторства за кои тој може да остане во затвор до 20 години.
Според полицискиот извештај, пронајдени се стотици фотографии и порно снимки на кои се гледа „Жизел Пелико спие и во присуство на други лица кои учествуваат во акти од сексуална природа“. Тој го класифицирал прекарот и телефонските броеви на напаѓачот, заедно со околу 3.800 фотографии и видеа од силувањето на Жизел Пелико помеѓу 2011 и 2020 година.
Детективите наведоа вкупно 92 силувања извршени од 72 мажи, од кои 51 беа идентификувани.
Пелико го преселил своето семејство од Париз во 1991 година, а подоцна, според обвинението, основал сексуален ланец. Учесниците во ова злосторство прво би разговарале што би им направиле на нивните доверливи партнери, а потоа ќе ја снимат нивната изопаченост, пред да ги складираат видеата на USB-уред. Од 83 вклучени мажи, полицијата идентификуваше и уапси 51 на возраст меѓу 26 и 73 години.
Откриено е дека Пелико ја смирувал жената со години истурајќи моќен анксиолитик во нејзината вечера. Тој потоа поканувал непознати лица од интернет форумите во спалната соба на парот, каде што неговата сопруга лежела без свест. Наводните силувачи инволвирани во случајот се државни службеници, работници за брза помош, војници, затворски чувари, медицински техничари, новинари, општински советници и возачи на камиони.
Судењето продолжува и се очекува да трае до декември.
Извор: Телеграф.рс
Можеби ќе ве интересира
