Битолчанката Ана Котевска го развиори македонското знаме на Мон Блан: Нов успех за планинарката
Битолчанката Ана Котевска се искачи на највисокиот врв во Западна Европа, Мон Блан на Алпите, на 4.810 метри.
Ана на врвот го развиори македонското знаме, но и знаме на кое е испишано „Копанки“.
Стартот за Ана и еспедицијата бил од зимското и летно туристичко место Бреј – Сервинија во Италија. Од таму го започнале искачувањето кон Мон Блан.
Но тоа не било единствениот предизвик за битолчанката. Ана успеа да се искачи на западен и централен Брејторн, тоа е планински венец на Пенинските Алпи со својот највисок врв со исто име, кој се наоѓа на границата помеѓу Швајцарија и Италија.
Ана е планинарка која со свои 29 години покрај врвовите на планините во нашата земја, досега има освоено четири врвови на еквадорските Анди, се искачи на најоддалечената точка од центарот на Земјата, а го освои и врвот Ухуру на Килиманџаро.
Битолското чупе, пиењето кафе на Широк сокак го замени со утринско кафе на Пелистер и изгрејсонце над Баба Планина. Поглед кој не би го менувала со никој досега поглед од освоен врв.
Фото: Инстаграм
Г.Д.Г
