Животна училница // Приказни

Челичната Србинка која го замолчи Надал: Маријана е најубавата жена во светот на тенисот, а за нејзините потези зборува целиот свет

  • 21 Јануари, 2023

Фото: JB Autissier / Panoramic / Bestimage / Profimedia

Маријана Вељовиќ повторно се најде во центарот на вниманието по расправијата со Надал, а биографијата на убавата Србинка е навистина впечатлива

Маријана Вељовиќ, судијка во тенис од Крагуевац, пред неколку години привлече големо внимание во јавноста, а со својата убавина го воодушеви целиот свет. Многу странски медиуми ја споредија со Џенифер Лопез поради нејзиниот изглед.

Шармантната Србинка беше во центарот на вниманието кога ги замолкна Роџер Федерер и Ник Кирјиос, а сега повторно е во центарот на вниманието поради судирот со Рафаел Надал.

Имено, шпанскиот тенисер беше предупреден од судијата дека доцни со сервисите, на што Рафа даде забелешка дека немал доволно време за сите ритуали пред сервирањето и дека многу го брзаат.


Маријана ја имаше честа да биде во судиското столче, а ова ѝ е второ финале на Австралија опен. Моментално важи за една од најдобрите тениски судии, а нејзината биографија е импресивна.

Родена е 1987-ма година во Крагуевац, а првата судиска школа ја заврши во 2008-ма година во Белград во организација на Тенискиот сојуз на Србија. Во 2009-та година заврши тениска школа од втор степен и доби „бела значка“.

Од 2010-та година суди на меѓународни турнири, а во меѓувреме стана сопственик на „златната значка“ за тениски судии, што е големо признание бидејќи во светот го имаат само 19 мажи и 10 жени.

Една од нејзините неостварени желби ѝ е машкото Грен слем финале, а не е исклучено тоа да се случи наскоро во нејзината кариера.

„Не го планирав сето ова, но едноставно така се случи. Почнав како студент, затоа што сакав да заработам дополнителен џепарлак. Инаку, играв тенис, ми беше интересно да научам нешто ново за спортот што го сакам, па отидов во школата за тениски судии. Сè што дојде подоцна, би рекла, е резултат на напорна работа и голема посветеност, исто како и среќата што им е неопходна на сите. До ден денес верувам дека ми се случија некои работи затоа што бев на вистинското место во вистинско време“, изјави еднаш Маријана.


Поради нејзината строга професионалност и искреност, многу медиуми ја нарекоа „Челичната дама“.

Со неа нема простор за дискусија, таа аргументирано изнесува сè, довршува и нејзиното е последно. Маријана Вељовиќ со години ужива огромна доверба и авторитет во светот на тенисот, а во една прилика откри како тоа се стекнува.

„Тоа се стекнува со знаење, преку она што го покажувате на теренот. На играчите им е многу важно да покажете почит кон нив, а потоа тие да ве почитуваат. Многу е важно да се развие тоа чувство и да не се реагира на прва, да се остави простор половина секунда или секунда за да бидеме сигурни дали топката е внатре или не. Можеби изгледа многу кога велите почекајте малку, но вашиот мозок е трениран за такви ситуации“, вели Маријана.

Првото Грен слем финале во својата биографија го напиша токму во Мелбурн, исто така во женска конкуренција кога за трофејот во 2018-та година се натпреваруваа Симона Халеп и Каролина Вознијацки. Истата година, таа делеше правда во финалето на Дејвис купот помеѓу Франција и Хрватска.

Извор: stil.kurir.rs

Можеби ќе ве интересира