Често се карале, а полицијата дошла во средината на јуни: Нови детали за убиството на Ноа Миливојев – наредена обдукција и ДНК вештачење!
Мотивот за убиството најверојатно е љубомора
Белграѓанинот О.Д.(33) вчера е уапсен под сомнение дека го убил Ноа Миливојев (18) од Ковиље, трансродово лице чие исчезнување било пријавено на 17-ти јуни, во неговиот стан во центарот на Белград. Безживотно тело, кое било искасапено до непрепознатливост, било пронајдено во стан на улица „Цар Лазар“ 11 А, а осомничениот за делото веднаш бил приведен и сѐ ѝ признал на полицијата.
- Пронајдени се посмртните останки на Н.М. Истрагата е во тек. Наредена е обдукција со токсиколошко и ДНК вештачење за да се утврдат причините за смртта и идентитетот на жртвата - изјави главниот јавен обвинител на ВЈТ Ненад Стефановиќ.
Ноа последен пат ги контактирала родителите во саботата на 17-ти јуни кога наводно заминала кај своето момче во Белград. Оттогаш ѝ се губи секаква трага, а семејството било многу загрижено бидејќи немале поим каде може да биде.
Во моментот на исчезнувањето таа носела розов фустан, црни патики, бел ранец и препознатливи розови плетенки. Во изјавите за медиумите нејзината мајка рекла дека ќе умре од болки, додека дечкото кај кој наводно отишла тврдел дека не ја видел.
Девојката Ноа, чие искасапено тело беше пронајдено вчера во центарот на Белград, е родена како Ѓорѓе Миливојев, имала 18 години. Соседите велат дека осомничениот живеел во тој стан во последните две години и дека во последните месеци виделе девојка со розови плетенки како доаѓа кај него дома.
- Често се расправаа, а во средината на јуни во станот дојде полиција поради бучавата. Еднаш ја слушнавме како вика и се заканува и бара типот да ѝ ги даде работите. Не долго потоа го видовме како вади женски работи од станот - велат соседите.
Според неофицијални информации, се сомнева дека О.Д ја убил Ноа веднаш по таа тепачка во средината на јуни. Тој наводно ѝ го распарчил телото, го спакувал во кутии, го полил со киселина и го оставил во бањата.
Мотивот за убиството најверојатно е љубомора. Полицијата вчера попладне го извади од станот осомничениот со лисици на рацете и јакна преку глава, за да не биде фотографиран од новинарите. Тој користеше бастун, а станува збор за висок и слаб човек.
Телефонот исклучен
- Телефонот не ѝ работи, можеби е исклучен, можеби е расипан, ништо не знаеме и ги молиме сите што знаат нешто да не контактираат. Ни кажа дека оди кај нејзиното момче „О“ од Белград, но тој тврди дека не ја видел – изјавила на новинарите несреќната мајка на 3-ти јули, а пред само неколку дена изјавила дека сè уште не знае ништо за неа, и дека сè уште ја бараат
- Немам сила да одговорам на прашањата, но нема да се откажам додека не го најдам своето дете - рекла мајката.
„Тишината не убива“
Со палење свеќи, ЛГБТ+ активистите, како и активистите за правата и заштитата на жените и човековите права, вчера му оддадоа почит на трагично загинатата Ноа Миливојев.
Присутните запалија свеќи и оставија цвеќе на споменикот на Кнез Михаило на Трг Републике, каде поставија транспаренти со натпис „Човечки суштества, а не мети“, „Тишината не убива“...
Да потсетиме, тиктокерката Ноа Миливојев (18), родена како Ѓорѓе Миливојев, исчезна на 17-ти јуни.
Нејзиното семејство исто така објави апел на социјалните мрежи со надеж дека ќе дознае каква било информација за неа. Меѓутоа, по повеќе од три недели, полицијата пронашла делови од човечко тело за кои постои сомневање дека се нејзини во стан во центарот на Белград.
Извор: 24sedam.rs
