Дац стана дедо, внуката доби уникатно име: Добре дојде на планетава, сакам да знаеш дека...

Познатиот актер и пејач Драган Спасов- Дац на социјалните мрежи сподели дека станал дедо. Имено тој доби внука од синот Јаков и неговата сопруга Софија.

Двојката за бебето избра многу необично име- Гаиа. Значењето на името е всушност многу моќно- станува збор за името на божицата на Земјата. Сметана за мајка божица, таа била персонификација на духот на Земјата. Од неа се родил светот, а нејзиното создавање донело смиреност во инаку хаотичниот универзум. Сама, Гаиа ги создала планините и океаните.


Нејзиниот дедо Дац напиша многу емотивна порака по повод нејзиното раѓање:

„Секогаш кога ќе се роди некое чедо, земјата станува потешка за околу 3,5 килограми, станува посреќна за илјадници срцебајти, станува помудра, пољубовна поубава, понежна... така земјата прави рамнотежа со ѕвездата што се раѓа во негова чест.

Во тој миг насмевките се зголемуваат на најмалку илијадници усти а планетата благо трепери од нивната моќ. Всушност така планетата се врти, се движи и патува низ непрегледната вселена.

Во тој миг мајката се претвора во водопад а таткото во најсилниот вулкан за да го извикаат името на своето чедо кое ја има енергијата на своите предци!

Добре дојде на планетава внуко моја Гаиа!

И сакам да знаеш дека...

Ќе ти ја сакам косата,

убавото носе и насмевката.

Ќе ти ги сакам очите,

и веѓите и трепавиците.

Ќе ти го сакам грлото,

и плачот и гласот.

Ќе ти ги сакам прстињата,

и рачињата и ноџињата

Ќе ти сакам се'

а најмногу добрината!

Твојот дедо Дац“


Се запознале на Инстаграм, Јаков ѝ пишал прв и веднаш знаеле дека меѓу нив има нешто многу повеќе од пријателство, па веднаш договориле прв состанок- вака Софија за Женски Магазин ја раскажа љубовната приказна со Јаков Спасов, синот на Драган Спасов Дац.