Дали треба да јадете после 18 ч. ако сакате да ослабете или не? Еве како доцното вечерање влијае на вашата половина

Добивај вести на Viber

Секој кој се обидел да ослабне е запознаен со тврдењето дека не треба да вечерате доцна, а тим научници неодамна решиле детално да го испитаат ова тврдење.

Калориите се калории без разлика во кое време ги јадете, а дефинитивно ќе се здебелите ако претерате со мрсна и нездрава вечера во шест или десет часот.

Сепак, не е сè толку едноставно - неодамнешните истражувања покажуваат дека времето во кое јадеме можеби сепак игра улога во регулирањето на тежината.

Како што покажа студијата објавена неодамна во списанието за клиничка ендокринологија и метаболизам, јадењето на вечера подоцна е поврзано со зголемување на телесната тежина и високо ниво на шеќер во крвта, без разлика дали сте јаделе исто нешто неколку часа порано.

„Свесни сме за други студии кои ги поврзуваат доцните вечери со дебелината, и бидејќи асоцијацијата не е исто што и причината и последицата, сакавме да го погледнеме на поригорозен начин“, вели д-р Џонатан С. Џанг, професор на Универзитетот Џон Хопкинс.

Така, неговиот тим довел здрави луѓе и ги натерал да јадат во различни периоди, со контролирана исхрана и пред спиење.

Во истражувањето учествувале 20 луѓе, кои си легнале во 23 часот.

Студијата покажала дека нивото на гликоза е повисоко и количината на согорени масти е помала кога јаделе подоцна, дури и ако учесниците го имале истиот оброк за вечера.

– Не бевме изненадени. Претходните истражувања покажаа нешто слично кога се гледаат деноноќниот ритам и исхрана. Други лаборатории исто така покажаа дека ако јадете спротивно на нормалниот деноноќен ритам на вашето тело, не ја метаболизирате гликозата на ист начин, вели д-р Џанг.

Откриено е и дека не секој реагира на доцните оброци на ист начин. Имаше група која беше навикната да легнува рано и бележеше најлоши резултати кога јадеше доцна.