Единствениот член од „Рибља чорба“ на гробот на Бора остави порака во името на бендот: Ја опиша својата болка со само еден збор

Легендарниот рокер Бора Ѓорѓевиќ почина на 4 септември, а беше погребан на 7 септември во родниот Чачак.

Неговата последна желба е исполнета, а неговиот гроб продолжува да се посетува со денови откако беше погребан, каде што луѓето кои му се поклонија се простуваат од него.

Гробот е преполн со цвеќиња и други ситници кои најмногу потсетуваат на него.

Има венци на кои беше испишана последната порака, со која најблиските, членовите на семејството, пријателите и колегите се простија од Бора.

- Очајни, група „Рибља чорба“ - пишува на еден од венците.

Членовите на групата Ван Гог се простија и од својот сакан Бора: „Последен поздрав Ван Гог“.

Да потсетиме, Бора беше погребан во саботата на 7 септември на градските гробишта во Чачак. Пред погребот во Центарот за култура се одржа комеморација каде со емотивни зборови се простија од него колеги, пријатели и кумови.

По комеморацијата речиси од сите кафулиња во градот се слушаше по некоја песна на Бора.

Бендот „Рибља чорба“ кој одбележа речиси 46 години од музичката сцена, доаѓа до крајот на своето патување.

По неодамнешната смрт на Бора Ѓорѓевиќ, легендарниот фронтмен и основач на бендот, членовите на групата решија да се повлечат од сцената. Борa Ѓорѓевиќ почина по долго и тешко боледување, што доведе до одлука да престане да настапува, пишуваат медиумите.

Зоран Дашиќ Даша, фронтменот на групата „Легенде“ и близок пријател на Ѓорѓевиќ, ја коментираше иднината на „Рибља чорба“.

Даша истакна дека Миша Алексиќ, басистот на бендот, бил клучна фигура во организацијата и функционирањето на бендот, додека Бора бил креативен лидер. Според него, заминувањето на Миша, а потоа и на Бора е голема загуба за бендот, а иднината на групата останува неизвесна.

- Со оглед на тоа што ги познавам сите поединечно уште пред да формираат бенд и кога го создадоа пред 45 години, според мене Миша беше тој што беше главниот мотор на целиот тим. Бора беше шеф и ги пишуваше песните, но Миша беше задолжен за се друго. Секоја група која работи долго време и која е организирана мора да има организатор, што би рекол „офицер во армијата“, кој ги прави сите работи со кои не треба да се оптоварува главниот креативец. Миша беше тој што договараше гостувања, а Бора доаѓаше каде што требаше да гостува и да разговара во емисии. „Рибља чорба“  изгуби многу со заминувањето на Миша, а да не зборуваме за Боро. Навистина не знам каква ќе биде нивната иднина и дали воопшто имаат иднина - изјави Даша за Курир.

Вук Жугиќ, долгогодишен пријател на Бора Ѓорѓевиќ и поранешен раководител на секторот за култура на Сава Центар, верува дека песните на „Рибља чорба“ ќе продолжат да живеат.